شه‌یتانه سوره‌كان به بردنه‌وه‌یان له بلوز نازناوى قه‌ڵغانى ئینگلته‌را به‌ده‌ستده‌هێنن
له‌یاریه‌كى به‌هێزدا و له یاری كۆتایی جامى قه‌ڵغانى ئینگلته‌را هه‌ردوو یانه‌ى چێڵسی و مانچسته‌ر یونایتد رِوبه‌رِوى یه‌كتر بونه‌وه.
سه‌ره‌تا له خوله‌كى 42 یاریزانى یانه‌ى مانچسته‌ر یونایتد (ڤالاَنسیا) گۆڵی پێشكه‌وتنى بۆ یانه‌كه‌ى تۆماركرد ، و پاشان یاریزان (خافێر هێرناندز) له خوله‌كى 76 گۆڵى دوه‌مى بۆ مانچسته‌ر تۆماركرد ، و له خوله‌كى 81 (كالۆ) تاكه گۆڵه‌كه‌ى چێڵسی تۆماركرد، له دوا خوله‌كى یاریه‌كه یاریزان (بێرباتۆڤ) كۆتایی به گۆڵه‌كانى مانچسته‌ر یونایتد هێنا به تۆماركردنى گۆڵى سێهه‌م.
یاریه‌كه به‌ئه‌نجامى سێ گۆڵ به‌رامبه‌ر تاكه گۆڵێك له‌به‌رژه‌وه‌ندى یانه‌ى مانچسته‌ر یونایتد كۆتایی هات و به‌م ئه‌نجامه مانچسته‌ر یونایتد جامى قه‌ڵغانى ئینگلته‌رای به‌رزكرده‌وه.
