هه‌ردوو هه‌ڵبژاده‌ی سلێمانی و دهۆك یه‌كه‌م سه‌ركه‌وتنیان له پاڵه‌وانێتی كۆماری تۆمار كرد
بۆ یه‌كه‌م جار له شاری هه‌ڵبجه‌ی شه‌هید پاڵه‌وانێتی كۆماری بۆ تۆپی پێ ئه‌نجام درا به به‌شداری كردنی هه‌ر چوار هه‌ڵبژارده‌ی دهۆك و هه‌ولێر و سلێمانی و كه‌ركووك، له یاری كردنه‌وه هه‌ردوو هه‌ڵبژارده‌ی كه‌ركووك و دهۆك رووبه‌رووی یه‌كتر بوونه‌وه یارییه‌كه له به‌رژوه‌ندی هه‌ڵبژارده‌ی دهۆك ته‌واو بوو به ئه‌نجامی (1-0) گۆڵ تاكه گۆڵی هه‌ڵبژارده‌ی دهۆك له رێگه‌ی یاریزان رێبه‌ر محه‌مه‌د تۆمار كرا، له یارییه‌كی تردا هه‌ردوو هه‌ڵبژارده‌ی سلێمانی و هه‌ولێر رووبه‌رووی یه‌كتر بوونه‌وه، له‌م یارییه هه‌ڵبژارده‌ی سلێمانی توانی به ئه‌نجامێكی گه‌وره له هه‌ڵبژارده‌ی هه‌ولێر بباته‌وه به ئه‌نجامی (4-0) گۆڵ و گۆڵه‌كانیش له رێگای یاریزانان ئه‌حمه‌د سالار سێ گۆڵ و ئارام محه‌مه‌د تۆمار كران.
جێگه‌ی باسه ئه‌م پاڵه‌وانێتیه به‌شێوازی ده‌رچوون به دوو دۆراندن به‌رێوه ده‌چێت و به سه‌رپه‌رشتی یه‌كێتی تۆپی پێی كوردستان.
