كچانى شه‌قلاَوه وكورِانى دهۆك بوونه پاڵه‌وانى تێنسى سه‌رمێز
له شارى به‌غدا پاڵه‌وانه‌تى تۆپى سه‌رمێزى یانه‌كانى عێراقى به‌رێوه چوو ،یانه‌كانى كوردستانیش بوونه پاڵه‌وانى خوله‌كه .
به‌سه‌ر په‌رشتى یه‌كێتى تۆپى سه‌رمێزى عێراقى و به‌به‌شدارى هه‌شت یانه‌ى كورِان و كچان له شارى به‌غدا پاڵه‌وانه‌تى تۆپى سه‌رمێزى یانه پله یه‌كه‌كانى عێراقى به‌رێوه چوو له هۆڵى یانه‌ى شه‌عب ،بۆماوه‌ى دوو رۆژ یارییه‌كانى به‌رده‌وام بوو ،هه‌ردوو یانه‌ى دهۆك له ئاستى كوۆرَان دواى بردنه‌وه‌ى له‌سه‌ر جه‌م یارییه‌كان له به‌رامبه‌ر هه‌ریه‌ك له یانه‌كانى (كازمییه وبابل و نه‌جه‌ف وموسنا وگازى باشور وئاشتى و مه‌سافى) به‌م ئه‌نجامه‌ش یانه‌ى دهۆك بووه پاله‌وان و بووه پله نایابى عێراقى .یانه‌ى ئاشتى شارى سلێمانیش پله‌ى سىَ یه‌مى به‌ده‌ست هێنا ،له ئاستى كچانیش یانه‌ى شه‌قلاوه توانى ئه‌نجامێكى شایسته به‌ده‌ست بهێنىَ و له‌سه‌ر جه‌م یارییه‌كان براوه بێت بووه پاڵه‌وانى خوله‌كه .
