لە ماوەی كەمتر لە یەك ساڵدا سیستەمێكی نوێ لە خێرایی گەیاندنی ئینتەرنێتدا هاتە كایەوە، ئینتەرنێت لە سیستەمی G4ەوە بەرەو سیستەمی G5 و هەتا G6یش هاتووە، بەڵام ئەو ئامێرانەی كە سوود لەو سیستەمانە وەردەگرن هێشتا گشتگیر نەبوونە و زۆر كەمن.
كۆمپانیای هواوی یەكەم مۆدێمی خێرای خۆی بە سیستەمی G5 خستەڕوو، مۆدێمەكە بە Huawei 5G CPE pro ناسراوە. مۆدێمی ناوبراو لەگەڵ ئەوەیدا پشتیوانی لە سیستەمی G5 دەكات لە سیستەمی G4یش سوود وەردەگرێ.
خێرایی ئینتەرنێت لەو سیستەمەدا بەقەد خێرایی ئینتەرنێتە لە فایبەری تیشكدا واتە (3.2 گیگا لە چركەیەكدا). بەهۆی ئەو سیستەمەوە دەكرێت بە ئاسانترین شێوە ڤیدیۆییەكانی k8 و یارییە قورسەكان دابەزێنی. سیستەمی hilikn كە لەم مۆدێمەدا هەیە دەتوانرێت تەنیا بە داگرتنی دوگمەیەك لەگەڵ گشت ئامێرێك پەیوەند بدرێت، ئەم سیستەمە بۆ ماڵە هۆشمەندەكان دەگونجێت و بۆ ئەوەی ئامێرەكان سوودی لێوەربگرن پێویستی بە پاسۆرد نییە. مۆدێمەكە هۆشمەندە و ئامێرە نزیكەكان دەناسێت و بۆ ئامێرە نزیكەكان ئینتەرنێتی خێراتر دەبەخشێت.