یەكەمین ریستۆرانتی دیجیتالی لە جیهان
جیهانی ئەمڕۆ جیهانی دیجیتالییە، تەكنەلۆژیا بەسەر هەموو لایەنەكانی ژیاندا زاڵ بووە. ریستۆرانتێك لە لەندەن مێزی نانخواردنەكەی تەواو دیجیتالییە و سیستەمی لەمسییە. مینۆی خورادنەكان بەشێوەیەكی دیجیتالی داندراون، بەبێ ئەوەی هیچ خزمەتگوزارێك بێت و بڵێت چ خواردنێك داوا دەكەی، لەسەر مێزەكە پەنجە لەسەر خورادنەكە دابگرە و خواردنەكە بە ماوەی كەمتر لە 20 خولەك دێتە بەردەمت.
ریستۆرانتەكە كە بە "ئینامۆ" ناسراوە، لەوێدا گشت مێزەكان لەمسی و دیجیتالین. ئەوانەی سەردانی ئەو شوێنە دەكەن بۆ ئەوەی كە دڵنیابن خواردنەكە بە شێوەیەكی خاوێن و رێك ئامادە دەكرێ، دەتوانن دەست لەسەر دوگمەی "كامێرا" دابگرن و بە وردی شوێنی ئامادەكردنی خواردنەكە ببینن. هەتا ئەو كاتەی خواردنەكەش ئامادە دەبێت و بۆ ئەوەی كە بێ تاقەت نەبن دەتوانن هەر لەسەر مێزەكە گەمەیەكی كۆمپیوتەری بكەن. خاڵی جێگای تێڕامان لەو ریستۆرانتە ئەوەیە پاش تەواو بوون لە خواردن دەكرێ دوگمەیەك لەسەر مێزەكە دابگری و شوێنی رۆیشتنت دیاری بكەی، پاش چەند خولەكێك تاكسی تایبەت بۆ شوێنی مەبەستت ئامادە دەبێت.