بە گوێرەی توێژینەوەیەكی نوێ، منداڵانی تووشبوو بە كۆڤید19 وەكو كەسانی گەورە سەرچاوەن بۆ گواستنەوەی ڤایرۆسی كۆرۆنا بۆ كەسانی دەوروبەریان، بۆیە لەگەڵ كردنەوەی قوتابخانەكاندا گرتنەبەری توندی هەنگاوەكانی خۆپاراستن زۆر پێویستە، جەخت لەوەش كراوەتەوە كە منداڵانی تووشبوو لە تەمەنی 10 ساڵ و بەسەرەوە زیاتر ڤایرۆس بۆ دەوروبەر بڵاودەكەنەوە، كەچی منداڵانی تووشبوو لە تەمەنی نۆ ساڵ بۆ خوارەوە بە شێوەیەكی كەمتر ڤایرۆس بۆ كەسانی دەوروبەریان دەگوازنەوە، لە لێكۆڵینەوەكەدا ئاماژە بەوەش كراوە كە منداڵانی تووشبووی ژێر تەمەنی پێنج ساڵ هەڵگری رێژەیەك، یان لۆدێكی زۆرتری ڤایرۆسن بەراورد بە منداڵانی گەورەتر و تووشبووە تەمەن گەورەكان، واتە سەرچاوەی بەهێزترن بۆ گواستنەوەی ڤایرۆسی كۆرۆنا، بەگشتی نیشانەكان لە منداڵانی تووشبوو بە كۆڤید 19 سووكن بەراورد بە نیشانەكان لە تووشبووە گەورەكاندا، بۆنموونە تای سووك، نائارامی و ناڕحەتیی گشتی، سك ئێشە، سكچوون، هێڵنج، بێهێزیی گشتی، بەڵام لە هەمان كاتدا سەرچاوەن بۆ گواستنەوەی ڤایرۆسی كۆرۆنا بۆ كەسانی دەورووبەر.
