گەلێك كەس 2 ماسك بەیەكەوە دەبەستن بە مەبەستی پاراستنی زیاتر لە ئەگەری تووشبوون بە ڤایرۆسی كۆرۆنا. بە رای پسپۆڕان، مەسەلەكە پەیوەستە بە جۆری ئەو ماسكەی كە دەیبەستیت نەك بەكارهێنانی 2 ماسك بەیەكەوە. بەستنی یەك یان دوو ماسك بەیەكەوە هەرگیز گەرەنتی نییە بۆ خۆپاراستن لە ڤارۆسی كۆرۆنا بە رێژەی 100%، چونكە جگە لە بەكارهێنانی ماسك پێویستە كە هێشتا هەنگاوی تری خۆپاراستن بگرێنە بەر وەكو زوو شووشتنی دەستەكان و بەكارهێنانی پاككەرەوەی دەست و پابەندبوون بە دووریی كۆمەڵایەتی. پێویستە ئەمەش هەرگیز لەبیر نەكرێت كە ماسك ئەوكاتە سوودی دەبێت كە بە دروستی لە دەم و لووت دەبەسترێت، بۆنموونە پێویستە كە ماسك دەم و لووت بە تەواوی بێ بۆشایی داپۆشێت. بەكارهێنانی ماسك بۆ ماوەیەك ئالوودە دەبێت، بۆیە پێویستە ماسكی نەشتەرگەریی Surgical ask فڕێ بدرێت، یان بشۆرێت، ئەگەر لە قوماش Cloth mask دروستكرابێت.