دیمەن و ڕازاوەیی لەماڵەكاندا، بەشێوازێكی كراوە هەنگاوێك دەبێ بۆ دەرخستنی تازەترین و بەئەمەكترین مۆدەكانی دیكۆر، ئەمەش بەگوێرەی ئەو شوێنە گرنگی پێدەدەدرێ كاتێك مۆدەكان بەئاراستەیەكی تەواوەوە كاری لەسەر دەكرێ، گشت بەشێك لەدیكۆری ماڵ پێویستی بەتازەگەری و ڕازانەوە دەبێ، لەرێگەی ئەو مۆدانەوە كاری قەشەنگ لەسەر ڕەنگ و شێوە و ستایلی شوێنەكان بەدی دەكرێ، یەكێك لەگرنگترین بەشەكانی ماڵدا، ژووری گەرماوە، كە شوێنێكە دەبێ بەپاكی و دیمەنێكی جوانەوە بدرەوشێتەوە، بەتایبەت لەڕووی ڕەنگەكانەوە، كە كاریگەری تەواوی دەبێ لەسەر شێوەی دیكۆر و ستایلی شوێنەكە، لێرەدا ڕەنگەكە ڕۆڵی سەرەكی دەبینێ لەدانانی جوانییەكی دەستكرد كە لەڕێگەی ڕەنگەكانەوە دەستمان دەكەوێ، یەكێك لەتازەترین تاقیكردنەوەكان لە دانانی ڕەنگەكان بۆ ژووری گەرماو بریتییە لەڕەنگی پڕتەقاڵی، ئەویش دەبێتە تاكە ڕەنگێك كە نەخش و بۆیەی ژووری گەرماوی لەسەردا ئامادەبكرێ و بەڕازاوەترین دیمەنیش دەربكەوێ.
