بۆ دیكۆری ماڵ لەرێگەی شێوازی جیاو تایبەت لە مۆدەی كەلوپەلەكان دەتوانین جوانی بە ژوورەكان ببەخشین، كە ئەمەش دەبێ بە شێوازێك بێ لەگەڵ ستایلی دیكۆری ماڵ بگونجێ و تایبەتمەند و شیاوی كراوەیی بێ، لێرەدا شێوازی دیكۆر بە هەنگاوێك گۆڕانكاری بەسەردا دێ و بەمەش دەبێتە جوانترین یەكێك لە دیكۆرەكان، یەكێك لەو كەرەستانەی كە ماڵ پێوەی دەنازێ، هەروەها گرنگترین بەشەكانە لە جوانكاری ماڵ، ئەویش (پەردە)ی پەنجەرەكانە.
مۆدەی پەردەكان گۆڕانكارییان بەسەردا هاتووە و لەگەڵ مۆدە تازەكان و شێوەی تازە و نوێ دەركەوتووە، كەچی مۆدە كلاسیكەكانیش ئاوێتەی مۆدە تازەكان دەكەن و گرنگی و جوانی خۆیان لەدەست نادەن، بۆیە ئێستاش مۆدە كلاسیكەكان باوێكی زۆریان هەیە لە كوردستان، كە مۆدەیەكی رازاوە و جوانە، بە تایبەت كاتێك بە شێوازێك دەبێ، كە لەگەڵ دیمەنی پەنجەرە دەگونجێ و دیمەنێكی جوان و رازاوەش دەبەخشێ، گرنگترین لایەن بۆ پەردە، بریتییە لە رەنگەكەی، بەڵام هەوڵبدەن كە دیمەنێكی كراوە و قوماشەكەی زۆر بێ، ئەوەندە كەم نەبێ، كە بە تەسكی دەربكەوێ و ناشایستەی بكات.