مەولوود چاوشئۆغڵو، وەزیری دەرەوەی تورکیا، لە هەڤپەیڤینێکی رۆژنامەڤانیدا رایگەیاند: بەهیچ شێوەیەک ئامادەنین مامەڵە لەگەڵ ئەنجامی گشتپرسی بکەین، بەڵام کۆتایی دونیا نییە و هەر کاتێک ئەنجامی گشتپرسییەکە هەڵوەشایەوە ئێمە هەڵوێستمان دەگۆڕێت و هەموو شتێک وەکو خۆی لێدێتەوە".

چاوشئۆغڵو گوتیشی: "گشتپرسی هەڵەیەکی سیاسی گەورە بوو، ئەگەر بارزانی دوایخستبا ئێستا لەسەر مێزی گفتوگۆ بەرامبەر بەغدا زۆر بەهێز دەبوو.

پەیوەست بە گشتپرسی زیاتر گوتی: "لەسەر داوای عێراق زۆر رێککارمان بەرامبەر هەرێمی کوردی عێراق (هەرێمی کوردستان) گرتوونەتەبەر، زۆر هەنگاوی دیکەش دەگرینەبەر".

هەر لە هەڤپەیڤینەکەدا وەزیری دەرەوەی تورکیا ئاماژەی بەوە کرد کە دەروازەیەکی نوێ لەگەڵ باشووری کوردستان دەکەنەوە.






رووداو