ئەمەریكا.. كۆنگرێس كۆبوونەوەی لێژنەی كاروباری دەرەوەی کۆنگرێس بۆ گوێگرتن چاودێريكردن بەسەر رێككەوتننامەی ئەتۆمی حكومەتی ئێران
- ستيفان مول، رێكخەری سەرەكيی جێبەكردنی رێككەوتننامەی ئەتۆم لەگەڵ رژێمی ئێران لە وەزارەتخانەی كاروباری دەرەوەی ئەمريكا
- جۆن سميت، بەڕێوەبەری كاتيی نووسينگەی چاودێريكاری داراييە دەرەكييەكان لە وەزارەتی دارايی ئەمريكا
.كۆبوونەوەی كرد. ئەد رۆيس سەرەتا سازشكاريی ئيدارەی ئۆباما بەرانبەر بە حكومەتی ئێرانی شەرمەزار كرد و داوای كرد لێپێچينەوە لەحكومەتی ئێران بكرێت بە هۆی دەستتێوەردان لە كاروباری وڵاتانی ناوچەكە و پشتيوانيكردنی لە تيرۆر.
ئەليۆت ئەنگەل، سەرۆكی ديموكراتەكان لە لێژنەی كاروباری دەرەوەی كۆنگرێس لە وتەيەكدا باسی ئەوەی كرد كە حكومەتی ئێران هەروەك رابردوو چالاكترين پالپشتيكاری تيرۆر و پێشێلكاری مافەكانی مرۆڤە و ئێمە متمانەمان بەو حكومەتە نيە و سياسەتەكانی ئەمريكاش دەبێ لەگەڵ ئەو راستيەدا كۆك بێت و كاری بۆ بكات.
ستيڤان مول لە وڵامدا وتی حكومەتی ئێران تا ئێستا پابەند بووە بە رێككەوتننامەكە و نيوەی ئەو (100) مليارد دۆلارەی بڕيارە بگەڕێتەوە بۆ حكومەتی ئێران، تەرخان دەكرێت بەو قەرزانەی حكومەتی ئێران بە وڵاتانيتر. كەوايە هەر لە ئێستاوە نيوەی ئەو پارەيە خەرج كراوە و ناگەڕێتەوە بۆ حكومەت.
جۆن سميت لە وڵامدانەوەيەكدا وتی كە ئێمە بە تەواوی ئاگادارين كە رژێمی ئێران هەروەك رابردوو پشتيوانی دەكات لە تيرۆر و هۆكاری ناسەقامگيرييەكانە.
ئەندامی ديموكرات و ئەندامی بەرجەستەی لێژنەی كاروباری دەرەوە، براد شێرمەن پرسيارێكی ئاراِستە كرد كە ئيدارەی ئۆباما بۆ سنوورداركردنی (كۆمپانيای فڕۆكەوانيی ماهان)ی حكومەتی ئێران كە هێزی پاسدار و قودس رەوانەی سوريا دەكات چی كردووە؟ جۆن سميت وتی: چەند وەزارەتخانەمان كاری ئەوەيان كردووە كە رێگری بكرێت لە فڕينی فڕۆكەكانی ماهان.
ستيڤان مول لە وڵامی كۆنگرێسمانی كۆماريخواز، كرێس سميت دەربارەی كۆنتڕۆلكردنی يورانيۆمی پيتێندراوی حكومەت كە گواستراوەتەوە بۆ روسيا وتی: دەتوانم دڵنياتان بكەمەوە كە تەنانەت تۆزقاڵێك لەو يورانيۆمە بگەڕێتەوە بۆ ئێران ئێمە ئاگادار دەبين.
لەو كۆبوونەوەيەدا سەرۆكی لێژنە و ئەندامانی باڵای هەر دوو پارتی ديموكرات و كۆماريخواز جەختيان كردە سەر هەڵوێستی توند بەرانبەر بە رژێم لەهەمبەر پێشێلكردنی مافەكانی مرۆڤ و پشتيوانيكردن لە تيرۆر و پاڵپشتيكردنی حكومەتی بەشار ئەسەدی ديكتاتۆر و دەستتێوەردانی حكومەتی ئێران لە عێراق و ئەد رۆيس لە لايەن خۆی و سەرۆكی ديموكراتەكانی لێژنەكە، دەستەبەركردنی پاراستنی گيانی موجاهيدينی ئەشڕەفی لە كامپی ليبرتی دووپات كرد.
ئەوان وتيان كە پێۆيستە ئاسايش بۆ دانيشتووانی كامپی ليبرتی دابين كرابێت و گيانيان پارێزراو بێت. بەڵام هەموومان بينيمان كە لەم دواييانەدا چی رووی دا و ژمارێك لە دانيشتووانی ليبرتی گيانيان لە دەست دا. پاراستنی گيانی دانيشتووانی ليبرتی دەبێ لە ئەولەوياتی كارماندا بێت.