مه‌ولود چاوش ئۆغلۆ وه‌زیری ده‌رەوه‌ی توركیا لە لێدوانێکیدا رایگەیاندبوو كه‌ بۆ شه‌ڕی داعش له‌ سوریا عه‌ره‌بستانی سعودیه‌ هێزی زه‌مینی و ئاسمانی ده‌نێرێت بۆ بنكه‌ی سه‌ربازی ئەنجه‌رلیك، بەڵام راوێژكاری سه‌ربازی وه‌زیری به‌رگری سعودیه‌ راده‌گه‌یەنێت كه‌ ئه‌و هێزەی له‌ توركیایه‌ ته‌نها هێزی ئاسمانیه‌.

ئه‌حمه‌د عسیری راوێژكاری سه‌ربازی وه‌زیری به‌رگری سعودیه‌ به‌ كه‌ناڵی ئەلعه‌ره‌بیه‌ی راگه‌یاندووه‌ كه‌ به‌شداریکردنی سعودیه‌ له‌ شه‌ڕی دژی داعش به‌پێی پلانه‌كێی هاوپه‌یمانی نێوده‌وڵه‌تی ده‌بێت و سعودیه‌ پابه‌نده‌ به‌ شه‌ڕی دژی داعش به‌تایبه‌تی له‌ شاری ره‌ققه‌ و ده‌وروبه‌ری.
عسیری ئاشكراشیكردوو‌ه‌ كه‌ ئه‌و هێزەی له‌ توركیایه‌ ته‌نها فڕۆكه‌كانی سه‌ر به‌هێزی ئاسمانییه‌ و هێزی‌ زه‌مینی لەخۆناگرێت.
جه‌ختی له‌‌وه‌شكردەوه‌ كه‌ به‌شداری سعودیه‌ له‌ چوارچێوه‌ی ئۆپه‌راسیۆنه‌كانی هاوپه‌یمانی نێوده‌وڵه‌تیه‌ كه‌ توركیا و سعودیه‌ش لێ ئه‌ندامن.

دوای لێدوانەکانی وەزیری دەرەوەی توركیا دوێنی‌ تۆپخانه‌كانی توركیا هێرشیاک کردووەتە سەر هێزه‌كانی یه‌كینه‌كانی پاراستنی گه‌ل یه‌په‌گه‌ له‌ نزیك قه‌زای عه‌زاز و فڕۆكخانه‌ی سه‌ربازی منغ،‌ به‌پێی ئاژانسی AFP توركیا هێزه‌كانی سه‌ر به‌ رژێمی ئه‌سه‌دیشیان بۆردومانكردووه.










خه‌ندان