سزای بڕینەوەی دەستی دوو بەندكراو لە زیندانی مەشهەد لەلایەن دەزگای دادی ئێرانەوە جێبەجێ‌ كرا.

بەپێی راپۆرتی كەمپەینی بەرگری لە بەندكراوانی سیاسی و مەدەنی، حوكمی ئەو دوو بەندكراوە كە بە تۆمەت دزی بووە لەلایەن دادگای پێداچوونەوەوە پەسەند كراوە و دوێنێ‌ دووشەممە بە ئامادەبوونی لێپرسراوانی دادی ئێران لە زیندانی ناوەندی مەشهەد بەڕێوە چووە.

ناوی یەكێك لە تۆمەتباراەكان (م.ع) راگەیەنراوە و ناوی ئەوی دیكەیان بڵاو نەكراوەتەوە.

دەگوترێت یەك لەو دزانە بە شكاندنی دەرگای ماڵی هاووڵاتییەك چەندین ملیۆن دۆلار و تمەن و كەلوپەلی دیكەی دزیبوو.

یەكێكی دیكە لە تۆمەتباران چەندین حاڵەتی دزیی ماڵان و كەلوپەل و زێڕ و زیوی خەڵك لە دۆسیەكەیدا تۆمار كراوە، لەلایەن دەدگاوە سزای بڕینەوەی قامكی دەستی بۆ بڕایەوە و دوێنێ‌ حوكمەگەی بەڕێوە چووە.

سزای بڕینەوەی دەست، قامكەكانی دەست، دەرهێنانی چاو و بەردباران لە یاساكانی سزای كۆماری ئیسلامیی ئێراندا هێشتا ماوە و ئەمە لە كاتێك دایە چەندین جار ئێران لە ناوەندە نێودەوڵەتییەكان بەڵێنیی داوە ئەو سزایانە هەڵوەشێنێتەوە، بەڵام هەتا ئێشتەش هەر جێبەجێ‌ دەكرێن.



























باسنیوز