دوای ئه‌و هێرشه‌ خۆكوژییه‌ی كه‌ بۆ سه‌ر مزگه‌وتی ئیمام سادق له‌ كوێت ئه‌نجامدرا ، شێخ صوباح ئه‌حمه‌د جابر صوباح میری كوێت چه‌ندین بڕیاری ده‌ركرد سه‌باره‌ت به‌ چاككردنه‌وه‌ی هه‌موو ئه‌و زیانانه‌ی كه‌ به‌ر ئه‌و مزگه‌وته‌ كه‌وتووه‌ جگه‌ له‌مه‌ش عه‌لی عومه‌یر وه‌زیری نه‌وتی كوێتی رایگه‌یاند كه‌ حكومه‌تی كوێت خه‌ریكی ده‌رهێنانی چه‌ندین بڕیاری ئه‌منی نوێیه‌ .

دوای ئه‌م رووداوه‌ ريكخراوی تیرۆریستی به‌ ناو ده‌وڵه‌تی ئیسلامی به‌رپرسیاریه‌تی ئه‌م ته‌قینه‌وه‌یه‌ی خسته‌ ئه‌ستۆی خۆی كه‌ تیایدا 36 كوژراوو 227 برینداری لێكه‌وته‌وه‌ .

رێكخراوی تیرۆریستی داعش هه‌ر له‌ سه‌ر ئه‌م رووداوه‌ تۆمارێكی ده‌نگی بڵاوكرده‌وه‌ ستایشی رۆڵی ئه‌و كه‌سه‌ خۆكوژه‌ی كرد كه‌ خۆی له‌ناو مزگه‌وته‌كه‌ی كوێت ته‌قانده‌وه‌ و ره‌خنه‌شی ئاراسته‌ی گوته‌بێژی شیعه‌ كرد كه‌ به‌ڵێنیدابوو تۆڵه‌ی ئه‌م كرده‌وه‌یه‌ بكاته‌وه‌ .

پێشتر ده‌سه‌لاتدارانی كوێت رایگه‌یاندبوو كه‌ كه‌سه‌ خۆكوژه‌كه‌ به‌ ره‌گه‌ز سعودییه‌ و ناوی فه‌هد سلێمان عه‌بدولموحسینه‌ .