یاریده‌رده‌ی سه‌رۆكی روسیا به‌دووری نازانێت به‌منزیكانه‌ سه‌ركردایه‌تیی سوریا له‌گه‌ڵ ئه‌و وڵاتانه‌ كۆببنه‌وه‌ كه‌ رۆڵیان له‌ ململانێی ناوچه‌كه‌ هه‌یه‌، یه‌كێك له‌و وڵاتانه‌ش، عه‌ره‌بستانی سعودییه‌.

یۆری ئۆشاكۆف، یاریده‌ره‌ی سه‌رۆكی روسیا به‌ ئاژانسی هه‌واڵی (تاس)ی راگه‌یاند: به‌ له‌به‌رچاوگرتنی دۆخی ئێستا و به‌لاوه‌ نانی كۆنه‌ قینی نێوانیان و یه‌كلاییكردنه‌وه‌ی ناكۆكییه‌كان و یه‌كخستنی هه‌وڵه‌كان بۆ به‌ره‌نگاربوونه‌وه‌ی رێكخراوی تیرۆرستیی، دوورنییه‌ سه‌ركردایه‌تیی سیاسیی سوریا و عه‌ره‌بستانی سعودی به‌منزیكانه‌ كۆببنه‌وه‌.

به‌وته‌ی ئه‌و یاریده‌ده‌ره‌ی سه‌رۆكی روسیا، دوای بنبڕكردنی رێكخراوی تیرۆرستیی داعش و زۆربه‌ی هێزه‌ توندڕه‌وه‌كان و كۆنتڕٍۆڵكردنه‌وه‌ی خاكی سوریا له‌لایه‌ن حكومه‌تی دیمه‌شقه‌وه‌، مۆسكۆ هاوكاریی لایه‌نه‌ په‌یوه‌ندیداره‌كانی سوریا ده‌كات بۆ سازكردنی هه‌ڵبژاردنێكی په‌رله‌مانی و پێكهێنانی حكومه‌تێكی متمانه‌پێكراوی نیشتمانی كه‌ له‌ژێر سه‌رپه‌رشتیی چاودێرانی نێوده‌وڵه‌تیدا بێت.

ئۆشاكۆف راشیگه‌یاند كه‌ ته‌نها وه‌شاندنی گورزی ئاسمانی، كێشه‌ی رێكخراوی تیرۆرستیی داعش چاره‌سه‌ر ناكات و پێویسته‌ كۆمه‌ڵی نێوده‌وڵه‌تی پشتیوانی له‌ دانوستانی نێوان دیمه‌شق و وڵاتانی دیكه‌ بكه‌ن بۆ به‌ره‌نگاربوونه‌وه‌ی گروپه‌ ئیسلامییه‌ توندڕه‌وه‌كان.

























خه‌ندان