یه‌ڤگینی بریماكۆف سه‌رۆك وه‌زیرانی پێشووی ڕووسیا له‌ ته‌مه‌نی هه‌شتاو شه‌ش ساڵیدا كۆچی دوایی كرد و له‌م ڕووه‌شه‌وه‌ فلادیمێر پۆتین سه‌رۆك كۆماری ڕووسیا پرسه‌و ماته‌مینی خۆی به‌خانه‌واده‌كه‌ی ڕاگه‌یاند.

هه‌ر له‌و باره‌وه‌ دیمیتری بیسكۆف گوته‌بێژی سه‌رۆك كۆماری ڕووسیا ڕایگه‌یاند بریماكۆف یه‌كێك بوو له‌پیاوانی به‌رپرسیارێتی و سیاسه‌تمه‌دارێك بوو كه‌ به‌رهه‌مێكى زۆرى له‌ دواى خۆیدا جێهێشت. بریماكۆف له‌ساڵی هه‌زارو نۆسه‌د و بیست نۆ له‌ كیێڤى پایته‌ختی ئۆكڕاینا له‌دایك بووه‌ و له‌ ڕۆژنامه‌گه‌ری و په‌یمانگاى زانستییه‌كاندا كاری كردووه‌ .

له‌ ساڵانی هه‌زار نۆسه‌د و نه‌وه‌دو شه‌ش بۆ هه‌زار و نۆسه‌د و نه‌وه‌دو هه‌شت، پۆستی وه‌زیری ده‌ره‌وه‌ی ڕووسیای وه‌رگرتووه‌ و هه‌روه‌ها له‌ هه‌زار و نۆسه‌د و نه‌وه‌دو هه‌شت بۆ هه‌زارو نۆسه‌د و نه‌وه‌دو نۆ بووه‌ به‌ سه‌رۆك وه‌زیرانى ڕووسیا.