حه‌بیب ئه‌لسه‌ید سه‌رۆك وه‌زیرانی تونس رایگه‌یاند كه‌ حكومه‌ته‌كه‌ی نزیكه‌ی هه‌شتا مزگه‌وت به‌هۆی هاندانی توندوتیژی داده‌خات ئه‌مه‌ش دوای ئه‌و هێرشه‌ دێت كه‌ بۆ سه‌ر یه‌كێك له‌ ئوتێله‌كانی شاری سوسه‌ی رۆژهه‌ڵاتی تونس ئه‌نجام درا كه‌ كوژرانی سیی و هه‌شت كه‌س و بریندار بوونی سیی و شه‌شی دیكه‌ی لێكه‌وته‌وه‌ .

سه‌رۆك وه‌زیرانی تونس روونیكرده‌وه‌ كه‌ زۆربه‌ی قوربانیانی ئه‌م هێرشه‌ له‌ ناوچه‌یه‌كی گه‌شتیاری بوون و زۆربه‌یان هاوولاتی بریتانیین .

به‌ریتانیاش له‌لایه‌ن خۆیه‌وه‌ ده‌ فرۆكه‌ی ره‌وانه‌ی تونس كرد بۆ گێرانه‌وه‌ی نزیكه‌ی دووهه‌زارو پێنجسه‌د گه‌شتیاری به‌ریتانی له‌ تونس . هاوكات باجی قائید سبسی سه‌رۆكی تونس به‌لێنیدا كه‌ رێوشوێنی توند بگرێته‌ به‌ر دوای ئه‌م هێرشه‌ی كه‌ كرایه‌ سه‌ر شاری سوسه‌ی تونسی .

له‌لایه‌ن خۆیه‌وه‌ رێكخراوی تیرۆریستی داعش، به‌رپرسیاریه‌تی خۆی له‌ ئه‌نجامدانی ئه‌م ته‌قینه‌وه‌یه‌ راگه‌یاند.