هامۆند: پێویسته ئێران بۆ گه‌یشتن به رێككه‌وتنى ئه‌تۆمى، نه‌رمیى زیاتر بنوێنێت
له میانى گه‌یشتنى بۆ به‌شدارى له كۆبوونه‌وه‌ى وه‌زیرانى ده‌ره‌وه‌ى وڵاتانى یه‌كێتى ئه‌ورووپا كه له لۆكسۆمبۆرگ به‌ڕێوه‌ده‌چێت، هامۆند به رۆژنامه‌وانانى گوت: پێویسته ئێران نه‌رمیى زیاتر بنوێنێت ئه‌گه‌ر بیه‌وێت بگات به رێككه‌وتن له‌گه‌ڵ گروپى پێنج كۆیه‌ك و ئاماژه‌ى به‌وه‌شدا كه له‌و باوه‌ڕه‌یه‌دا وتوێژه ئه‌تۆمیه‌كان كه ئێستا به‌ڕێوه‌ده‌چن، له كۆتایى ئه‌م مانگه درێژ بكرێته‌وه كه ئه‌و واده‌یه دوایین مۆڵه‌تى وڵاتانى گروپى پێنج كۆ یه‌كه بۆ گه‌یشتن به رێككه‌وتنى ئه‌تۆمى له‌گه‌ڵ ئێران.
واش بڕیاره ئه‌مڕۆ له په‌راوێزى كۆبوونه‌وه‌ى وه‌زیرانى ده‌ره‌وه‌ى یه‌كێتى ئه‌ورووپا، هامۆند له‌گه‌ڵ هاوتا ئێرانیه‌كه‌ى محه‌مه‌د جه‌واد زه‌ریف كۆببێته‌وه.
