جیب بۆش به‌فه‌رمی خۆی بۆ هه‌ڵبژاردنی سه‌رۆكایه‌تی ئه‌مریكا كاندید ده‌كات
له‌پاش ڕاگه‌یاندنی نیازی خۆكاندید كردن، لایه‌نگره‌كانی بنمیچی چاوه‌ڕوانییه‌كانیان به‌رانبه‌ر بۆش برده سه‌ره‌وه.
ئه‌گه‌رچی ڕاپرسییه‌كان و میدیاكانیش خستویانه‌ته سه‌ره‌وه‌ی لیستی كاندیده‌كانی هه‌ڵبژاردنی 2016، به‌ڵام هه‌تاكو ئێستا له‌چاوی ده‌نگده‌ره‌كاندا نه‌گه‌یشتۆته ئاستی پێویست.
ئه‌مڕۆ به‌شێوه‌یه‌كی فه‌رمی “جیب بۆش” خۆی بۆ هه‌ڵبژاردنه‌كانی سه‌رۆكایه‌تی ئه‌مریكا له 2016دا كاندید ئه‌كات. ئه‌و كه‌له‌پوری “جۆرج بۆشی كوڕ” هه‌ڵده‌گرێت، شانبه‌شانی چه‌ندین هه‌ڵوێستی سه‌رسامكه‌ر له سیاسه‌تی ناوخۆییدا.
جیب بۆش كوری جۆرج بۆش و برا بچووكی جۆرج دەبلیو بۆشە كە لە ساڵانی 1999-2007 حاكمی ویلایەتی فلۆریدا بووە, خوازیاریشه ده‌نگی ئه‌و ده‌نگده‌رانه به‌ده‌ست بهێنێت كه بنمیچی چاوه‌ڕوانییه‌كانیان به‌رانبه‌ری به‌رز كردۆته‌وه.
