روانگه‌ى مافی مرۆڤ له‌ سووریا رایگه‌یاند كه‌ له‌وه‌تای له‌ ناوه‌ڕاستی مانگی ئاداری ساڵی دوو هه‌زارو یازده‌وه‌ شه‌ڕى سووریا ده‌ستی پێ كردووه‌ تا هه‌شتی ئایاری رابوردوو پتر له‌ دوو سه‌دو سی هه‌زارو شه‌ش سه‌دو هه‌ژده‌ كه‌س كوژراون زۆربه‌یان له‌ سه‌ربازانی رژێم و چه‌كداره‌كانن له‌وانه‌یش یازده‌ هه‌زارو پێنج سه‌دیان منداڵن.

له‌و كوژراوانه‌ شه‌ست و نۆ هه‌زارو چوارسه‌دو نه‌وه‌دو چواریان خه‌ڵكی سڤیل و چل و یه‌ك هه‌زارو سه‌دو شازده‌یان چه‌كداری ئۆپۆزسیۆن و كوردو سی و یه‌ك هه‌زارو دوو سه‌دو بیست و حه‌وتیان چه‌كداری بیانین كه‌ زۆربه‌یان توندڕۆن و چل و نۆ هه‌زارو سه‌دو شه‌شیان له‌ هێزه‌كانی رژێم و سی و شه‌ش هه‌زارو چوارسه‌دو شه‌ست و چواریان میلیشیای سه‌ر به‌ رژێم و سێ هه‌زارو سه‌دو نه‌وه‌دو یه‌كیان كه‌سانی نه‌ناسراون.

له‌ناو ئه‌وانه‌یشدا یازده‌ هه‌زارو چوارسه‌دو نه‌وه‌دو سێیان منداڵ و حه‌وت هه‌زارو سێ سه‌دو حه‌فتاو یه‌كیان مێینه‌ى ته‌مه‌ن سه‌رووی هه‌ژده‌ ساڵین. هه‌روه‌ها له‌و كوژراوانیش دوو هه‌زارو پێنج سه‌دو بیست و چواریان له‌وانه‌ن كه‌ له‌ رژێم جیابوونه‌ته‌وه‌ و چوونه‌ته‌ ریزی ئۆپۆزسیۆن.