تا ئێستا زیاتر له 4 هه‌زار په‌نابه‌ر له ده‌ریای ناوه‌ڕاست له خنكان رزگاركراون
له‌و ئۆپه‌ڕاسیۆنه‌دا كه هێزه‌كانى ده‌ریایى ئیتاڵیا؛ ئه‌ڵمانیا و ئیرله‌ندا به‌شدار بوون سه‌رنشینه‌كانى بیست و دوو به‌له‌مه‌م له كه‌ناراوه‌كانى لیبیا و ئیتاڵیا بۆ چه‌ند كه‌شتى گوازرانه‌وه.
سوپاى ئه‌ڵمانیا بڵاوى كرده‌وه كه كه‌شتیه‌كى سوپا له رزگاركردنى پێنجسه‌د و نه‌وه‌د په‌نابه‌ر به تایبه‌ت رزگاركردنى پازده منداڵ به‌شدارییان كردووه. زۆربه‌ى ئه‌و كه‌سانه‌ى كه گیانیان له‌ده‌ستداوه به هۆى سه‌رماو گه‌رما و تینویه‌تى و برسیه‌تى بووه. هه‌ندێكیشیان به هۆى قه‌ڕه‌بالغى و گرژى و ئاڵۆزى له نێو خۆیاندا گیانیان له‌ده‌ستداوه.
شایه‌نى باسه له سه‌ره‌تاى ساڵى دووهه‌زاروپازده تاكو ئێستا زیاتر له چل هه‌زار په‌نابه‌ر گه‌یشتوونه‌وه‌ته ئیتاڵیاو هه‌زارو حه‌وسه‌د و حه‌فتا كه‌سیش له ئاوه‌كانى ده‌ریاى ناوه‌ڕاست گیانیان له‌ده‌ستداوه.
