بەرپرسێکی باڵای لیبی دەڵێت، کۆمەڵگەی نێودەوڵەتی بەشێوەیەکی ناڕاستەوخۆ هۆکارن بۆ ئەوەی گەنجانی لیبیا، ئەوانەی رووبەڕووی سەختی ژیان بوونەتەوە پەیوەندی بە ریزەکانی رێکخراوی دەوڵەتی ئیسلامیی (ناسراو بە داعش) بکەن.

مەحموود جبریل، سەرۆکی هاوپەیمانی هێزە نیشتمانییەکانی لیبیا لە کۆڕبەندی ئابووریی جیهانی لە ئوردن گوتی "رەوشی خراپیی ئابووری لە لیبیا ، وایکردووە گەنجانی ئەو وڵاتە بچنە نێو ریزەکانی داعش، چونکە مووچەیەکی زۆر باشیان پێدەدرێت".

جبریل، ئەو کەسەی سەرکردایەتی گەورەترین حیزبی لیبیا دەکات هەروەها دەشڵێت کە چەکدارە تووندئاژۆکان بەتەنها دیاردەیەکی ئەمنی و ئایینی نین، بەڵکو بوونەتە دیاردەیەکی ئابووریش.

گووتیشی "جگە لە لیبییەکان، ئەورووپا و وڵاتانی عەرەبی و نەتەوە یەکگرتووەکانیش رووبەڕووی مەترسییەکانی چەکدارانی داعش دەبنەوە".




















روداو