له ئاكامى هێرشى ئاسمانى و بۆردومانى فڕۆكه‌كانى هاوپه‌یمانان 170 تیرۆرستى داعش له سووریا كوژران
سه‌رچاوه‌یه‌كانى ئۆپۆزسیۆنى سووریا رایانگه‌یاند، له میانى ئه‌م هه‌فته‌و له ماوه‌ى چل و هه‌شت كاتژمێرى رابردوودا، فڕۆكه‌كانى هاوپه‌یمانان له هێرشه ئاسمانیه‌كانیاندا له باكوورى رۆژهه‌ڵاتى سووریا، شوێن و موڵه‌گه‌كانى تیرۆرستانى داعشیان بۆردومانكرد كه له ئاكامدا سه‌دو حه‌فتا له‌و تیرۆرستانه كوژراون.
هاوكات ره‌وانگه‌ى سووریا بۆ مافه‌كانى مرۆڤ رایگه‌یاند، فڕۆكه‌كانى هاوپه‌یمانان له هه‌ماهه‌نگیه‌كانی و پشتیوانیه ئاسمانیه‌كانیان له پارێزگاى حه‌سه‌كه له سووریا له‌گه‌ڵ هێزه كوردیه‌كان به‌رده‌وامه كه له‌وێ شه‌ڕى تیرۆرستانى داعش ده‌كه‌ن.
