تۆنی ئابوت سه‌رۆك وه‌زیرانی ئوسترالیا به‌دووری زانی له‌و هاووڵاتیانه‌ ببورێت كه‌ ئوسترالیایان جێهێشت و دوای گروپه‌ چه‌كداره‌كان كه‌وتوون بۆ ئه‌وه‌ی بگه‌رێنه‌وه‌ وڵاته‌كه‌یان .

ئابوت به‌ رۆژنامه‌وانانی راگه‌یاند كه‌ ئه‌گه‌ر هه‌ر كه‌سێك له‌ ئوسترالیا ده‌رچووه‌ و یاسای ئوسترالیای پیچشێلكردووه‌ و خه‌ڵكی بێ گوناه به‌ناوی توندره‌وی ده‌كوژێت ، زۆر ئه‌سته‌مه‌ ریگه‌ی بده‌ین بگه‌رێته‌وه‌ ئوسترالیا .

شایانی باسه‌ له‌ ماوه‌ی دوو ساڵی رابردوودا به‌ هه‌زاره‌ها بیانی چوونه‌ته‌ رێز رێكخراوه‌ توندره‌وه‌كان له‌ سوریا و عێراق ، ئه‌مه‌ش هۆكارێك بووه‌ بۆ نیگه‌رانی وڵاتانی رۆژئاوا ئه‌گه‌ر هاتوو ئه‌م هاووڵاتیانه‌ هه‌وڵی گه‌ڕانه‌وه‌ بۆ وڵاته‌كانیان بده‌ن .