له‌ ئاكامی هێرشی ئاسمانی هاوپه‌یمانان به‌ رابه‌رایه‌تی سعوودیه‌ بۆ سه‌ر بنكه‌یه‌كی پۆلیس له‌ شاری زه‌مار نۆ كه‌س كوژران و 11ی دیكه‌ش برینداربوون.

به‌پێی هه‌واڵێكی ته‌له‌فزیۆنی ئه‌لمه‌سیره‌ سه‌ربه‌ حوسییه‌كان، فڕۆكه‌یه‌كی هاوپه‌یمانان هێرشی كردووه‌ته‌ سه‌ر بنكه‌یه‌كی پۆلیس له‌ شاری زه‌ماری باشووری رۆژهه‌ڵاتی یه‌مه‌ن و به‌و هۆیه‌شه‌وه‌ بیناكانی ده‌ورووبه‌ری بنكه‌كه‌ زیانیان به‌ركه‌وتووه‌ و نۆ كه‌س كوژران و 11ی دیكه‌ش برینداربوون كه‌ سیانیان منداڵن.

له‌لایه‌كی دیكه‌وه‌، له‌ پارێزگای ئه‌بیه‌ن باشووری یه‌مه‌ن شه‌ڕوپێكدادانی توند له‌نێوان چه‌كدارانی حوسی و هێزه‌كانی به‌رگری گه‌لدا روویداوه‌، به‌ڵام هیچ زانیارییه‌ك له‌باره‌ی ژماره‌ی كوژرا و برینداره‌كان بڵاونه‌كراوه‌ته‌وه‌.