فه‌رمانده‌ى هێزه‌كانى مارێنز بووه‌ سه‌رۆكى ده‌سته‌ى ئه‌ركانى هێزه‌ هاوبه‌شكانى ئه‌مه‌ریكا

فه‌رمانده‌ى هێزه‌كانى مارێنز بووه‌ سه‌رۆكى ده‌سته‌ى ئه‌ركانى هێزه‌ هاوبه‌شكانى ئه‌مه‌ریكا
باراك ئۆباما سه‌رۆكی ئه‌مه‌ریكا له‌گه‌ڵ نزیكبوونه‌وه‌ی كۆتایهاتنی ماوه‌ی ئه‌ركی مارتین دێمپسی سه‌رۆكى ده‌ستى ئه‌ركانى هێزه‌ هاوبه‌شه‌كانى سوپاسالاری ئه‌مه‌ریكا، ژه‌نه‌ڕاڵ جۆزیف دانفۆرد ، فه‌رمانده‌ی هێزه‌كانی ده‌ریایی، له‌ شوێنى دیمبسى دانا و بووه‌ سه‌رۆكى ده‌ستى ئه‌ركانى هێزه‌ هاوبه‌شه‌كانى سوپاسالارى ئۆباما له‌گه‌ڵ جێگره‌كه‌ی، جۆ بایدن و وه‌زیری به‌رگری ئاشتۆن كارته‌ر و هه‌روه‌ها جۆزێف دانفۆرد له‌ كۆشكی سپی كۆنگره‌یه‌كی رۆژنامه‌وانی رێكخست.

ئۆباما رایگه‌یاند كه‌ ماوه‌ی ئه‌ركی مارتین دێمپسی و جێگره‌كه‌ی جه‌یمز وینفیلد به‌ره‌و كۆتایی ده‌چێت و هاوكات سوپاسی هه‌وڵ و تێكۆشانی هه‌ردووكیانی كرد و راشیگه‌یاند كه‌ فه‌رمانده‌ی هێزه‌كانی ده‌ریای، دانفۆردی وه‌ك پاڵێوراوی سوپاسالار و هاوكات یه‌كێك له‌ ژه‌نه‌راڵه‌كانی هێزه‌كانی ئاسمانی، پاوڵ سێلڤا وه‌ك جێگره‌كه‌ی ده‌ستنیشان كردووه‌.

ئۆباما جه‌ختی له‌وه‌ كرده‌وه‌ كه‌ دانفۆرد و سێلڤا خاوه‌ن ستراتیژییه‌كی به‌هێزن له‌ نێو سوپا و كاره‌كانیان مایه‌ی شانازییه‌ به‌م پێیه‌ش له‌ زووترین كات پاڵێوڕاوی ئه‌وان بۆ سه‌رۆكایه‌تی سوپاسالاری ئه‌مه‌ریكا په‌سند ده‌كرێت.

جێگه‌ی باسه‌ ژه‌نه‌راڵ دونفۆردی ته‌مه‌نی په‌نجاو نۆ ساڵ وه‌ك فه‌رمانده‌یه‌ك له‌ هێزه‌كانی هاوپه‌یمان له‌ ساڵی دوو هه‌زارو سێزده‌ دوو هه‌زارو چوارده‌ ده‌ست به‌كار بووه‌ و هاوكات له‌ ساڵی دوو هه‌زارو سێى داگیركردنی عێراقیش سه‌ركرده‌ی تیمی پێنجه‌می پیاده‌ بووه‌.
Top