نه‌ته‌وه یه‌كگرتووه‌كان داوا له هاوپه‌یمانی عه‌ره‌بی ده‌كات بۆردومانكردنی فرۆكه‌خانه‌ی سه‌نعا رابگرێت
عادل جبێر وه‌زیری ده‌ره‌وه‌ی سعودیه رایگه‌یاند كه هاوپه‌یمانی عه‌ره‌بی كه هێرشه ئاسمانیه‌كان بۆ سه‌ر یه‌مه‌ن ئه‌نجام ده‌دات دژ به حوسییه‌كان ، ئێستا خه‌ریكی هه‌ولێكه كه ئاگربه‌ست له‌چه‌ند ناوچه‌یه‌كی دیاریكراو بكات بۆ ئه‌وه‌ی یارمه‌تییه مرۆییه‌كان بگاته ئه‌و وڵاته .
یوهانس فان دێركلاوف رێكخه‌ری كاروباری مرۆیی له یه‌مه‌ن سه‌ر به نه‌ته‌وه یه‌كگروه‌كان رایگه‌یاند كه ئه‌م هێرشه ئاسمانیانه‌ی هاوپه‌یمانی عه‌ره‌بی فرۆكه‌خانه‌ی سه‌نعای كرده ئامانج له هه‌فته‌ی رابردوو ، ئه‌مه‌ش وای كرد كه نه‌توانرێت ئه‌م فرۆكه‌خانه‌یه وه‌ك پێویست به‌كاربێت و هیچ گه‌شتێكیش ئه‌نجام نادرێت تا فرۆكه‌خانه‌كه چاك نه‌كرێته‌وه .
له‌لایه‌كی دیكه‌وه سه‌نیگال بریاریدا دووهه‌زار سه‌رباز بۆ یارمه‌تیدانی هاوپه‌یمانی عه‌ره‌بی ره‌وانه بكات دژ به حوسییه‌كان له یه‌مه‌ن .
سه‌نیگال یه‌كه‌م وڵاتی نا عه‌ره‌بییه كه به‌شێوه‌یه‌كی راسته‌وخۆ به‌شداری له‌و شه‌ره‌دا ده‌كات و زۆربه‌ی دانیشتوانی ئه‌م وڵاته‌ش سوننه مه‌زهه‌بن .
