ولاَتانى ئه‌ندام له‌ یه‌كێتى ئه‌وروپا داوا له‌ ئیسرائیل ده‌كه‌ن كه‌ ئابڵوقه‌ى سه‌ر كه‌رتى غه‌زه‌ى فه‌له‌ستین هه‌ڵبگرن و به‌ كارێكى نایاسایی له‌قه‌ڵه‌م ده‌ده‌ن.

له‌ به‌یاننامه‌یه‌كدا یه‌كێتى ئه‌وروپا داواى له‌ ئیسرائیل كرد كه‌ ئابڵوقه‌ى سه‌ر كه‌رتى غه‌زه‌ هه‌ڵبگرێت كه‌ ماوه‌ى سێ ساڵه‌ ئابڵوقه‌ى ئه‌و ناوچه‌ى داوه‌ و به‌مه‌ترسی بۆسه‌ر ئاسایشى ئه‌و ناوچه‌ و هه‌تا ئاسایشتى ئیسرائیلیش ناوى ده‌به‌ن.

له‌به‌شێكى تری به‌یاننامه‌كه‌دا یه‌كێتى ئه‌وروپا سه‌ركۆنه‌ى هێرشه‌كه‌ى ئیسرائیل كرد بۆ سه‌ر كه‌شتى ئازادى كه‌ هاوكارى بۆ كه‌رتى غه‌زه‌ ده‌نارد و بوه‌ هۆى كوشتنى 9 سه‌رنشینى كه‌شتیه‌كه‌ كه‌ به‌رِه‌گه‌ز تورك بون.