وەرگەڕانی پاسێكی نەفەرهەڵگر بووە هۆی گیانلەدەستدانی بیست و نۆ کەس
پاسێکی نەفەرهەڵگر لە کاتی تێپەڕین بە ناوچەیەکی شاخاویی وڵاتی پیرۆ کە یەکێکە لە وڵاتانی ئەمریکی، وەرگەڕا و بەهۆیەوە ٢٩ کەس گیانیان لەدەستدا.
ڕۆژنامەوانی پیرۆ بە پشتبەستن بە سەرچاوەکانی پۆلیس نووسیویەتی: ئەم پاسە لەکاتی گەشتکردن بۆ شاری ئایاکوچۆ لەسەر ڕێگای خێرا لە ناوچەی چیای ئەندێس لە ڕێڕەو دەرچوو و وەرگەڕا.
ئەم پاسە لە بەرزی ٢٠٠ مەترەوە کەوتووەتە خوارەوە.
لە ئەنجامی ئەم ڕووداوەدا ٢٩ کەس گیانیان لەدەستداوە. تا ئێستا سێزدە كەس لە بریندارەکان لە نەخۆشخانە چارەسەریان بۆ دەکرێت.
وەزیری گواستنەوە و پەیوەندییەکانی پیرۆ ڕایگەیاند، لێکۆڵینەوە لە ڕووداوەکە دەستیپێکردووە.
گوڵان: سەردار خەلیل
