میدیاکانی ئەمەریکا بڵاویانکردەوە، دوای زریانێکی بەهێز لە ویلایەتی (می سی سی پی و تەکساس) لانیکەم ٣ کەس گیانیان لەدەستداوە.

میدیاکانی ئەمەریکا بڵاویان کردەوە کە ڕۆژی دووشەممە 30 ی کانوونی یەکەم، کارەبای زیاتر لە 200 هەزار ماڵ بەهۆی زریان لە چەند ویلایەتێکی ئەمریکا بۆ ماوەیەک پچڕاوە.

بەگوێرەی راپۆرتەکە،بەهۆی ئەم زریانە 383 گەشتی ئاسمانیی ناوخۆ و دەرەوە هەڵوەشاونەتەوە و 649 گەشتیش دواکەوتوون.

بەرپرسانی پۆلیس لە ویلایەتی تەکساس و می سی سی پی ڕایانگەیاند: کە لە ئەنجامی ئەم زریانەدا سێ کەس لە بەشێکی ئەم دوو ویلایەتە بەهۆی کەوتنەخوارەوەی دارێک بەسەر ماڵێک و ڕووداوی ئۆتۆمبێلێک گیانیان لەدەستداوە.

بەگوێرەی زانیارییەکان، زریانەکەی ویلایەتی تەکساس و می سی سی پی لە هەندێک ناوچە زیانێکی زۆری بەجێهێشتووە.

ڕێکخراوی کەشناسیی ئەمریکا هۆشداری دەدات لەوەی لە چەند ڕۆژی داهاتوودا زۆربەی ویلایەتەکانی ڕۆژهەڵات زریان لەگەڵ ڕەشەبا و بارانی بەخوڕ کاریگەرییان لەسەر دەبێت.

 

 

 

گوڵان: سەردار خەلیل