le êstada mşitumirrêkî zor dekrêt leser ew siyaset û stiratîjiyeteyi ke pekeke piyadeyi dekat, rexineyi eweşî lê degîrêt ke em siyasetane bûnete hoyi eweyi kêşekan alloztir bin û rewşeke bo kurdî bakûr xiraptir bêt, le heman katda kêşe û grftîş bo xellk û ḧkumetî başûrî kurdistanîş drust bikat, hokarekanî girtineberî em arasteye û derencam û derhawîşitekanî, legell çend prsêkî dîkeyi peywendîdar, bûne tewerî gftugoyi emcareyi govarî gullan legell metîn nurî xelîl endamî pêşuwî pekeke.

* pekeke le seretayi damezirandinyewe dawayi dewlletî serbexoyi kurdistanî bo her çwar parçeyi kurdistan dekrd, bellam êsta reftar û hellsukewtekanî hemuwî berew dijayetîyi bîrî neteweyî û damezirandinî dewlletî neteweyî deçêt, aya her le seretawe şitêk layi pekeke benawî bîrî neteweyî û dewlletî kurdistanewe hebuwe?
- ême dezanîn ke pêşitirîş û êstaş hênanedî kurdistanêkî serbexo û azad amancî yekem hebuwe, bellam ême dezanîn dujminanî kurd hewllî lebarbrdinî em xewneyan dawe û kurdîş dujminî zore. sebaret be wellamî prsiyarekeşitan min nallêm le êstada hemû pekeke be tewawetî destiberdarî bîrî neteweyî bûn, bellku derkewtinî hendêk serkrde û berprsî destirroyşitû lenaw pekekeda hziru boçûniyan be çeşnêke ke naxwazn em amancane bênedî, wate nayanewêt pekeke bew arasteyeda kar bikat ke pere be bîrî neteweyî bidat û kar bo serbexoyî kurdistan bikat.
* layenêkî dîke le jiyanî siyasîyi pekeke ew aydiyolojîye çepe radîkalleye ke hemû ḧzbêkî siyasî le kurdistan retdekatewe û raydegeyenêt ke legell bûnî ew bzûtineweyi rizgarîxwazî kurdistan dest pê dekat, aya pekeke her le seretayi drustibûniyewe ta êsta, çende dijayetî bzûtineweyi rizgarîxwazîyi kurdistanî krduwe?
- min bawerr nakem pekeke dujminayetîyekî lew şêweyeyi bo dewlletî kurdî û partî dîmukratî kurdistan hebêt, renge pekeke ke ser be aydiyolojiyayekî çepî soşiyalîstî bêt, eme wayi lê krdbêt, be boçûnî pekeke pêwîste bergrî le hemû kes û mirovêk biken ke kewtibête jêr zullm û çewsanewe û eşkencedan, bellam le êstada şêwazî karkrdinî pekeke le nêw turkiyada be çeşnêke ke core merkezîyetêkî têdaye, eweta bote hoyi eweyi hendê kes le nêw partî hedepeda be pekekewe grê bidrênewe.
* le katêkda zemîneyek hatibuwe pêşewe bo aşitî û kurdanî turkiya le hellbijardinda ziyatir le 80 kursîyan be dest hêna, bellam pekeke şerrî brde naw turkiya û le dewreberî amed şerrî xendeqî dest pê krd, bemeş gurizêkî kuşndeyi le mafekanî kurdî turkiya weşand, aya eger pekeke mebestêtî mafî kurdî turkiya bedest bihênêt, bo wllateke wêran dekat?
- destpêkrdinî şerrî xendeq ziyanêkî gewreyi be kurd le turkiya geyand, drustibûnî şerrî xendeq le kurdistanî bakûr zor helle bû, kelênêkî gewreyi drust krd, leber eweyi mîllet bo ew şerre amade nebû, le encamda ziyanî gewreyi ber kewt û xellkêkî zor kujran, emeş şkstî be hemû ew xebate hêna ke bo aşitî û aşitewayî krabû. hedepe xwaziyar bû şerr le bakûrî kurdistan nemênêt û be rêgayekî aşitî çareserî kêşekan bikrêt, hemû em amancane leşerrî xendeqda ledestman da. be pêçewanewe eger pekeke şerrî xendeqî nekrdaye û drêjeyi be siyaset û rêge çareyi aşitî bidaye, ewa bêguman ew 80 perlemantareyi kurd le perlemanî turkiya le hellbijardinekanî em dwayiyeyi turkiyada behêztir debûn û bigire jmareyan ziyatirîş debû. bellam eweta le êstada dewllet be hemû şêweyek fşar leser mîlletî kurd drust dekat, emeş bote hoyi eweyi koçberî lenêw kurd lew wllateda ziyatir bibêt, wate kurd ziyatir nawçekanî xoyan cê dehêllin, egerçî kurd le her beşêkî em wllateda bêt, meylî layi destkewtî neteweyiye, bo nmûne êsta le şarî estenbul sê miliyon kurd hen, ewan meyliyan her bo kurde û pşitiywanî lê deken, egerçî le şwên û kultûrî xoyan dûr dekewnewe.
* bas lewe dekrêt ke êsta pekeke lenaw kurdanî turkiya cemawerî kem botewe û ewanîş boyan derkewtuwe ke pekeke xebat bo kurdanî turkiya nakat, aya taçend êsta le naw kurdanî bakûrda pekeke ret dekrêtewe?
- bellê, cemawerî pekeke berawrd be rabrdû kem botewe, emeş hokarekeyi bo ewe degerrêtewe ke hendê le kesanî nêw pekeke legell xwast û wîstî xellkda nîn, le encamda eme botehoyi eweyi xellkî le pekeke dûr bikenewe, bo nmûne: hendê le serkrdekanî nêw pekeke corêk le parçebûniyan le nêw pekekeda drust krduwe, be pêçewaneyi hendê serkrdeyi dîke hen ke meylî neteweyiyan heye û xellkanêk hen le nêw kurdida ḧeziyan le boçûn û bîr û rakaniyan heye .
* şêwazêkî dîkeyi pekeke le drustkrdinî çekdarekanî rfandinî kurr û kçî gencî xwar temenî 18 sallane le kurdistan û paşan rêgeyan lê degrêt peywendî be kesukariyanewe biken, herweha birrwaşiyan be proseyi hawsergîrî nîye, aya taçend reftarekanî pekeke şîrazeyi xêzan û dabunerîtî kurdaneyi têkdawe?
- min lesallî 1991 taku 2002 lenaw pekekeda bûm, le hemû nawçekanî bakûrî kurdistan û qendîl karm krduwe, bellam zarokî gçkem lenaw şerrekanda nebîniywe, xo eger le ḧalletêkda ew zarokane hebin, ewan naçne nêw şerrekanewe û beşdarîyi şerr naken. eweyi peywendîyi be beşî duwemî prsiyareke hebêt, eweye sereta debêt ewe billêm ke pekeke dijî hîç ayînêk nîye û tenanet le naw pekekeşda xellkî xawen ayînî ciyawaz cêyan botewe û kes pêyi newtûn ke to ser be çi ayînêkî. sebaret be hawsergîrî ewa nakrêt katêk le nêw pekekedan hawsergîrî biken, eger bêt û biyanewêt hawsergîrî biken, ewa debêt pekeke cêbihllên û destiberdarî bin. wate her le seretayi damezirandinî pekekewe ta êsta aydiyolojiyayi pekeke leser hawsergîrî û xêzan û mallbat danemezirawe û çendîn gerîla û endamî pekeke hen, ke bê mindall û hawserin, bellam azadîyi dawe beweyi herkesêk hawsergîrî dekat, detwanêt dabinîşêt û şerrî çekdarî nekat.
* le katîkda pekeke heta êsta neytwaniywe gundêkî kurdistanî turkiya azad bikat, bellam şerr be qewareyi siyasîyi herêmî kurdistan defroşêt û amancî eweye ḧkumetî herêmî kurdistan birrûxênêt, eme le katêkda ḧkumetî herêmî kurdistan cêgeyi umêdî kurdî her çwar parçeyi kurdistane, aya pekeke bo xizimetî kê dijayetîyi qewareyi siyasîyi herêmî kurdistan dekat?
- le rastîda lem ruwewe minîş rexinem le pekeke heye ke nabêt xoyi le nêw gundekanda cêgîr bikat, ke dwatir eme bibête hoyi eweyi dujmin bêt û em gundane borduman bikat û xellkîş bikujrên, kewate eme helleyekî pekekeye û karêkî narrast û na druste û ziyan be herêmî kurdistanîş degeyenêt, çunike eme debête hoyi eweyi wllatanî drawsêyi wek êran û turkiya fşar leser herêmî kurdistan biken, eme le katêkda ke em herême bote çetirêk bo her çwar parçeyi kurdistan, her kesêk dijî em herême û em azadî û serbexoyiye bêt, ewa kewtote helleyekî gewrewe, îdî pekeke bêt, yan her ḧzbêkî dîke.
* başe ême dezanîn meydanî rasteqîneyi karkrdinî pekeke bakûrî kurdistane û pêwîste pekeke hewll û koşşekanî lew beşeda çirr bikatewe, bellam debînîn hendê car, herwek êweş amajetan pêkrd, pekeke deyewêt kar le naw bakûrî kurdistanîşda bikat, derencamî xirapî lê dekewêtewe, wek şerrî xendeq, prsiyareke eweye aya eme debête hoyi eweyi rewşî bakûr be çi aqarêkda birrwat?
- min pêm waye be rêgaçareyi aşitî û siyasîyane nebêt, pekeke natwanêt be be çek beramber dewlletî turkiya şerr bikat, hokarekeşî eweye ke bem sallaneyi dwayî tekinelojiyayi serbazîyi turkiya zor pêşkewtuwe û be çeşnî rabrdû nîye, wate êsta turkiya tanik û frrokeyi pêşkewtuwî heye, leber ewe dûbareyi dekemewe, eger pena nebrdrêteber rêgaçareyi aşitî û siyasî, ewa pekeke rûberruwî zeḧmetî û dijwarî debêtewe.