serhat dêrsîm le seretay damezrandnî pekekewe، endamî eu rêkxrawe buweu çendîn post û payeî wek fermandeyî û endamî serkrdayetî wergrtuwe، belam le salî 2004da destî lekarkêşawetewe. ledîmaneyekî govarî gulanda rexney tund lebernamew syasetî pekeke degrêt، betaybetî lemer helsukewtekanî beramber başûrî kurdstan. lêreda puxtey qsekanî blawdekeynewe.pêştr pekeke bangeşey dekrd ke xebat bo dewletî kurdstan dekat، belam êsta asteng û alozîî bo drust dekat

serhat dêrsîm le seretay damezrandnî pekekewe، endamî eu rêkxrawe buweu çendîn post û payeî wek fermandeyî û endamî serkrdayetî wergrtuwe، belam le salî 2004da destî lekarkêşawetewe. ledîmaneyekî govarî gulanda rexney tund lebernamew syasetî pekeke degrêt، betaybetî lemer helsukewtekanî beramber başûrî kurdstan. lêreda puxtey qsekanî blawdekeynewe.
pêştr pekeke bangeşey dekrd ke xebat bo dewletî kurdstan dekat، belam êsta asteng û alozîî bo drust dekat



* pekeke katêk wek hzbêkî syasî xoy rageyand، daway dewletî kurdstanî gewrey dekrdu cextî leser ewe dekrdewe ke tenya dewlet çareserî kêşey kurd dekat، belam êsta pekeke her xoy djî dewletî kurdstanew bangeşe bo ewe dekat ke nabêt bas le dewlet bkrêt، aya paşekşey pekeke ledewlet leser ç bnemayeke؟
- le bneretîda pekeke bangeşey ewe dekat ke partekey eu partêkî serokayetîye، wate leser bnemay sîstmî serokayetî hatotedamezrandn. serokî pekekeş، ebdula ocelan-ـe ke êsta le zîndandaye، pêş destgîrkrdnî bangeşey drustkrdnî dewletêkî serbexoy dekrd، belam le duay destgîrkrdnî، stratîjyetekey gora bo karkrdn bo euey turkya bbête dewletêkî dîmukratî. wate eger bhataye ocelan le duay destgîrkrdnî raybgeyandaye ke min le seretawe karm bo dewletî kurdî krduweu êstaş ke destgîrkrawm hîçm pênakrêt، belam bawerm waye hawrê û hawelekanm û gelî kurd drêje be dozeke deden، ewa egerî ewe hebû pekeke drêjeyan bew doze bdaye. belam eu raygeyand ke eweta min le zîndanm، kewabêt êwe legel dewletda rêkkewtnêk bken، ke eu rêkkewtneş le berjewendîî kurd nebû. dwatr debêt ême ewe blêyn ke pekeke partêkî çeprewe، bangeşey bo ewe krd ke pêwîste dewletêkî soşyalîstî dabmezrêndrêt، euyş nek leser bnemay kurdayetî، belku leser bnemay tebayî û brayetîî gelan. wate raste her le destêpkewe pekeke daway dewlet û brewdan be kurdayetî dekrd، belam le karkrdnî nawxoyî xoyda û le xebatî xoyda kurdayetî neparast û le rewtî kurdayetî dûrkewtewe.

* le êsta hemû kurd le her çwarparçey kurdstan pêwîstî be gutarêkî yekgrtû û stratîjyetêkî hawbeş heye، belam pekeke rêgre le drustbûnî em gutare hawbeşew tenanet weku hemû hewlî bo eweye alay komarî kurdstan ( alakey qazî mhemed) bgorêt ke hemû kurd le her çwar parçey kurdstan şanazî pêwe dekat، aya djayetî pekeke bo yek gutarî û yekrîzî û stratîjyetî hawbeş û alay kurdstan le çîyewe serçawey grtuwe؟

- le êstada pekeke be aşkra delêt min xwazyarî drustbûnî dewletî kurdî nîm، belku djî dewletî kurdîm، bo nmûne ewan pêşwazî le helkrdnî alay kurdstan naken le kerkûk، ewan djayetî her karêk deken ke amanc lêy dewlet drustkrdn bêt، emeş kêşeyekî fîkrî û eaydyolojîye ke pekeke be destyewe denalênêt. gewherî kêşeke eweye pekeke pêywaye kurdayetî legel euda destîpêkrdu le duay euyş kurdayetî nakrêt. eger bprsîn kurd çîye lay pekeke، ewa ewan layengranî xoyan be kurd dezann، belam lêkdjîyeke lewedaye ke ewan helgrî amancî kurdayetî nîn û be aşkra raydegeyenn ke xwazyarî drustbûnî dewletî kurdî nîn. lelayekî dîkewe pekeke her le seretay drustbûnyewe taweku emro djayetî rewtî neteweyî û rêbazî barzanî krduwe، emeş serîkêşa bo drustbûnî nakokî û tenanet drustbûnî şer le djî partî dîmukratî kurdstan. çunke herwek pêştr amajem pêkrd، pekeke le rêbazî kurdayetî dûr kewtotewe، le başûr kurd be dawakrdnî otonomî destî pêkrd، êsta daway serbexoyî dekat، keçî pekeke be dawakrdnî serbexoyî destî pêkrd û êstaş daxwazîyekî dyarî krawî nîye.

* eu nehametî û karesatey beser kurdanî êzîdî hat، wek holokostî cûleke wabû، belam êsta pekeke eu barudoxey be frset wergrtuweu lebrî euey bbête hokarêk bo euey şngal bgerêtewe ser herêmî kurdstan û destbkrêt be prosey awedankrdnewe û dûbare gêranewey êzîdîyekan û sarêjkrdnewey brînekanyan، keçî hemû hewlî xostoteger bo euey şngal le herêmî kurdstan dabbrêt û rîge le awedankrdnewey şngal bgrêt، aya pekeke bo berjewendîî kê karesatêkî dîke beser îzîdîyekanda dûbare dekatewe؟
- pekeke heleyekî zor gewre dekat، çunke eger wek partêkî kurdî û neteweyî bîrbkatewe، ewa ewe leberçaw degrêt، ke derfetî gewre bo kurd hatotepêşewe، le başûrî kurdstan derfetî drustbûnî dewletî kurdî drust buwe، le bakûrîş derfetî mezn hatearawe، belam le destyan da، le rojhelatîş doxêkî baş hatepêşewe، belam leber euey ewan xwazyarî drustkrdnî dewlet nîn، ewa destyandaye drustkrdnî kanton –xoeger fîdralîyetîş pyadebkraye ewa her derfetî drustbûnî dewletî kurdî learada debû، belam ewan delên kanton، çunke nayanewêt le dewletî sûrî cyabbînewe û xwazyarî parastnî yekparçeyî xakî sûryan. dwatr êwe brwann katêk pekeke le rojhelatî kurdstan kantonî drustkrd، ewa turkya kardanewey nebû، rojnamenûs û syasetmedaranî turkya rayangeyand ke ewane kantonn û mayeî kêşe nîn û yekparçeyî xakî sûrya naxate metrsîyewe. belam turkya kêşey bo başûrî kurdstan drustkrd، ke eusa turkya pêy dewt bakûrî êraq. êstaş eger ême bêyn û basî şngal bkeyn، ewa pekeke dêt û bangeşey ewe dekat ke kanton le şngal drust dekat، le katêkda ewan neyantwanîwe yek gund le bakûrî kurdstan azad bken û bo euey euey xoyan pêy delên xoserî têyda pyade bken، emeş syasetî êranî le pşte، çunke herwek dezann êran le rojhelatî nawerastda şerî be wekalet dekat، eweta le lubnan hzbula û le yemen husîyekan û lêre pekekey heye. kewate eweman bo rûn debêtewe ke syasetî êran bo kurd zor metrsîdare، lelayekî dîkewe êran deyewêt hîlalî şîe le rojhelatî nawerastda drust bkat. le heman katda xwazyarî ewe nîye kurd pêgey xoy hebêt lem nawçeyeda، îdî le şêwey dewletda bêt، yan fîdralîda، çunke eme be metrsî bo xoy dezanêt. herweha êran nek her berewpêşçûnêkî kurd be hereşe bo xoy dezanêt، belku xwazyarî têkdanîşyetî. herweha êwe brwann، êran û pekeke têrwanînî hawbeşyan heye، bo nmûne، êran legel eweda nîye rjêmî deselatdarî sûrî brûxêt، pekekeş heman helwêstî heye، êran pêdagîrî leser yekparçeyî êraq dekat، pekekeş be heman şêwe. êran legel bûnî alay kurdstanda nîye، pekekeş eu alaye be alay hzbêk dezanêt. kewate êran û pekeke û sûrya berey dj be gorankarîn le rojhelatî nawerastda. her le peywendî be prsî şngalewe، ewa eme kêşeyeke le nêwan hkumetî êraq û herêmî kurdstanda û pêwîste pekeke hawkar bêt bo euey şngal bgerêteweser herêmî kurdstan nek le şngal kêşe drust bkat. kewabêt manewey pekeke le şngal wate bûnî destroyştuuyî êran lew nawçeyeda، be heman şêwe byanû û pasaw dedate turkya bo euey destêwerdan lew nawçeye bkat. dwatr eger pekeke be rastî xwast û nyazî hawkarîkrdnî êzîdîyekanî şngalî hebuwaye، ewa pêwîst bû çon duay rzgarkrdnî kobanê pêşmerge raygeyand ke eger pêwîsttan be ême nemawe، ewa degerêynewe، ewa pekekeş heman helwêstî hebuwaye، çunke êsta ewe şngal leser destî pêşmerge azadkraweu da'ş têkşkêndrawe lew nawçeyeu êsta pêwîstî be awedankrdnewe heye، mebestme blêm lêre deselatêkî şerî heye، debû pekeke duay rûdaweke be deselatdaranî herêmî rabgeyandaye ke erkî kurdayetî xom becêhêna û eger êsta pêwîsttan be min nemawe، ewa min dekşêmewe. êstaş pêwîste be gftugo û be şêweyekî aştîyane hewl legel pekekeda bdrêt û pêy rabgeyendrêt ke erkt tewau buwe û be supasewe devereke çol bke. çunke serok barzanî raygeyanduwe ke naxwazêt şerî brakujî drust bbêtewe. dwatr min bawerm waye eme tenya kêşey nêwan partî û pekeke nîye، belku emrîkaş nayewêt pekeke lew nawçeyeda bmênêtewe. çunke emrîka şerî da'şî krd û nayewêt pekeke kêşe drust bkat، belam ewe êran û hkumetî şîeî êraqn ke xwazyarî manewey pekeken le şngal. çunke hkumetî bexda natwanêt şngal bgrêt، leber ewe deyewêt kêşe le şngal berdewam bêt.

* êsta dewletî kurdî weku dîfakto buwete waqî' û hengawekanî msod barzanî serokî herêmî kurdstan bew arasteye derwat؛ aya eger eu dewlete rabgeyendrêt، ya prosey gştprsî bo serbexoyî berêwebçêt، pekeke ke hêzêkî wekaletî dezga muxaberatîyekanî nawçekeye şer beherêmî kurdstan nafroşêt؟
- gelî başûrî kurdstan derfetî derekî û nawxoyyan bo drust buwe bo encamdanî rîfrandom، çunke leduay şerî da'ş helêkî mezn bo damezrandnî dewletî kurdstan heye. bûnî herêmêk ke twanî neteweu eayîne cyacyakan leşerî da'ş bparêzêt nawbangêkî gelêk meznî bekurdan da، emeş le ruuy dîplomasî û syasîyewe destkewtêkî gelêk meznî hênayearawe. êsta le başûrî kurdstan derfetî drustbûnî û rageyandnî dewlet hatotearawe، belam le heman katda kêşeş hen. legel eweşda be bawerî min pêwîste lem kateda rîfrandom encam bdrêt، leber euey eme helêke bo euey mîlletî kurd guzarşt le îradey xoy bkat û emeş debête kartêkî behêz bedest herêmî kurdstanewe، egerçî merc nîye rastewxo duay rîfrandomeke dewlet rabgeyendrêt، belam pêwîste xebatkrdn bo bedîhênanî dewlet berdewam bêt. dwatr ême debînîn pekeke le qendîlewe raydegeyenêt ke ewan legel parastnî yekparçeyî xakî êraqn، le katêkda، lebakûr hedepe debêjêt behemû hêzî xoy pştgîrî dewletî kurdstan dekat. leber ewe eger sercem layen û parte syasîye kurdîyekan legel drustbûnî dewletda bn، ewa pekekeş naçare hengawî baştr helbgrêt. belam le êstada be hawkarî êran û hendê layenî syasî le başûrî kurdstan alozî bo prosey drustbûnî dewletî kurdî drust dekat. eme le katêkda pekeke pêştr bangeşey euey dekrd ke xebat bo drustbûnî dewletî kurdî dekat û eger part û layenêkîş raybgeyandaye kar bo otonomî dekat، ewa pekeke be napakî le qelemî deda، keçî êsta dêt û raydegeyenêt ke ême xwazyarî dewlet nîn، çunke dewlet metrsîdare û êmeş delêyn xwazyarî dewletîn û ewan be napakman dezann.

* basî kurdanî bakûrî kurdstant krd؛ weku aşkraye pêştr hedepe lelayen kurdewe palpştîyekî zorî lêkra، dwatr behoy helgîrsanî şeru syasete çewtekanî qendîlewe hedepew kurdîş bacêkî qursyan dayewe، prsyar eweye؛ takey kurdî kurdstanî bakûr bacî em hele gewrane bdenewe؟
- sereta debêt ewe blêm ke hedepe pekeke nîye؛ pekeke bzûtneweyekî serbazîye û xawen şervane û le çyakane. lekatêkda le hedepeda freyî heye û partêkî gewreye û pêkhatey cyawazî lexo grtuwe. legel eweşda، eger pekeke destêwerdanêkî zorî nekrdaye، ewa syasetî hedepe be çeşnî emro nedebû، wate eger le bryardanda hendê serbexo bûnaye، ewa eu helaney hedepey krdnî، encamî nededan. belam serkrdayetî qendîl neyhêşt hedepe be şêweyekî serbexo syaset bkat. ehmed turk û osman baydemîru leyla zanaw gelêk serkrdey dîke hen ke helgrî fîkrî kurdayetîn، belam behoy destêwerdanî qendîlewe neyantwanî bryarî xoyan bden. le helbjardnî 7î huzeyranîşda، eger pekeke destêwerdanî nekrdaye، ewa egerî ewe hebû hedepe û ak partî bgeyştnayete rêkkewtn، belam ewan rayangeyand ke rêkkewtn naken، ewe bû 80 endam perleman wek laşeyekî mrdû le destî hedepeda manewe. wate le seretada eme serkewtnêk bû bo hedepe، belam dwatr buwe bargranî û kêşe boy. selahedîn demîrtaş syasetmedarêkî têgeyştû bû، belam rêgey pênedra be hzr û bîrkrdnewey xoy syaset bkat، çunke berdewam qendîl destêwerdanî dekrd، herweha serok şarewanîyekanîşyan bo berjewendîî kurd bekar nehêna، belku xrane xzmetî qendîlewe. dwatr ewan hatn û şerî xendeqyan krd، ke eme şkstêkî gewre bû be têrwanînî min، herweha rûdawêkî zor gewre bû، be çeşnêk detwanîn blêyn pêş şerî xendeq û duay eu şere. çunke ewan rayangeyand ke cezîre û slopî û çendîn şwênî dîke bken be kobanêy duwem، belam le kobanê da'ş hebû، ke dujminî sercem mrovayetî bû û hawpeymanêtîyekî nêwdewletî le djî drust bû. wate eu berxudaney le kobanê hebû، hemû cîhan û hemû kurd pştîwanîyan dekrd، xo raste kobanêş wêran bû، belam kes neyut bo wêran bû، çunke hokarekey hêrşekanî da'ş û şerî rzgarkrdnî eu şare bû، başe prsyareke eweye boçî nawçe kurdîyekan bbête kobanê، xo pêştr top û tank û froke nebû ke malî kurd wêran bkat، ta tu bêyt û blêyt min le djî ewan şer dekem، belku şarêk bû jyan têyda asayî bû، dengdan û helbjardn hebû û hedepe 80 endam perlemanî bedesthêna، belam lebrî euey syaset bkeyt، karêkt krd nawçe kurdîyekan wêran bû û be hezaran genc kujran û be sedan hezar kes aware bûn.
Share