le naw prosey syasîî êstay kurdstanda corêk le çeqbestuuyî rêjeyî drust buwe، her boye kêşekanîş ta radeyek bê çareser mawnetewe،

le naw prosey syasîî êstay kurdstanda corêk le çeqbestuuyî rêjeyî drust buwe، her boye kêşekanîş ta radeyek bê çareser mawnetewe، hokarî serekîî em çeqbestuuyye le rwangey mektebî syasî partî dîmukratî kurdstanewe degerêtewe bo eu pêdagrtney bzûtnewey goran ke le xalêkda çeqîwe û natwanêt hengawî dîke be arastey çareserkrdnî kêşekan helbgrêt، bo em barudoxeş nakrêt çîtr beramber karakrdnewey perleman û amadebaşî bo encamdanî rîfrandom، hemû layene syasîyekan destewestan dabnîşn û çawerêy heluyste çeqbestuwekey goran bn، barudoxeke wadexwazêt partî dîmukratî kurdstan û yekêtî nîştmanî û layenekanî dîkey kurdstan، le çwar çêwey boçûnêkî hawbeşda hengaw bo karakrdnewey perleman helbgrn û kotayî bem çeqbestuuyye bhênn. bo qsekrdn leser barudoxî syasîî kurdstan û çonyetî mamelekrdn legel eu doxe aloz û paşagerdanîyeî prosey syasî le bexda û çonyetî beşdarîkrdnî kurd le prosey azadkrdnî musl û hewlekan bo encamdanî rîfrandom، em dîmane taybeteman legel mehmud mhemed endamî mektebî syasî partî dîmukratî kurdstan encamda û bemcore rwangey mektebî syasî partî dîmukratî kurdstanî bo çareserkrdnî kêşekan xsterû.
* barudoxî syasî û nawxoy kurdstan heta êstaş corêk le pertewazeyî û çeqbestuuyî bo çareserkrdnî kêşekanî pêwe dyare، aya êwe wek partî dîmukratî kurdstan çon seyrî kêşe nawxoyyekanî herêmî kurdstan deken؟
- bêguman barudoxî syasîî kurdstan natebayyekî berçawî pêwe dyare، emeş karîgerî debêt leser eu arastaney ke demanewêt bo babete grîngekanî neteweyî û nîştmanî drustyan bkeyn، herboye em qonaxey êsta pêwîstî be xwêndneweyekî cyawaz le qonaxekanî pêşûtr heye. barudoxî nawxoy kurdstan bêcge lew natebayye nawxoyyeî ke bûnî heye، karîgerîşe be keşuheway prosey syasî le hemû nawçekeş، herboye hendêk car leser bnemay keşuheway syasîî nawçeke û drustbûnî gorankarî le hawsengîî hêzda، natebayyekan le naw kurdstanîşda berdewamî debêt û karîgerî leser prosey syasîî kurdstanîş debêt. boye wek partî dîmukratî kurdstan zor le xemî ewedayn ke hemû pêkewe hewlbdeyn، em barudoxey êstay kurdstan leberçawbgrîn û hewlekanman yekbxeyn bo euey hemû pêkewe leser ewe karbkeyn ke kurdstan pêwîstî be ç core rêkxstneweyek heye، em rêkxstneweyeş debêt le berjewendîî çonyetî arastekrdnî meram û xwaste gştîyekan bêt، bo em qonaxey êsta ke kurdstan pêyda têdeperêt.

* mebesttan le rêkxstnewey nêwmalî kurd eweye dûbare kobûnewey layene syasîyekan dest pêbkatewe، yan daway mîkanîzmêkî taze deken؟
- têrwanînî partî bo rêkxstnewey nîwmalî kurd bew coreye ke debêt eu jînge syasîyeî êstay kurdstan gorankarî beserda bêt û hewlbdrêt corêk le pêkhatn le nêwan layene syasîyekanî kurdstan pêkbêt، lem barudoxey êsta legel euey kobûnewe legel layenekan heye، belam legel eweşda dekrêt be çeqbestû hejmarî bkeyn، boye debêt em halete çareser bkrêt û her hzbêk le cêgey xoyewe hengawî xoy helbgrêt، lem qonaxeda dekrêt، hendêk lew kêşaney êsta ke kêşey taybetî nêwan hzbe syasîyekann wela bnrên û leser prse nîştmanî û neteweyyekan yekrîz û yekhelwêst bîn.

* eger raşkawane leser em prse qse bkeyn، eu halete çeqbestûey heye، betaybetî le nêwan partî dîmukratî kurdstan û bzûtnewey gorandaye، aya dekrêt her dûlatan gorankarî le boçûnî xotan bken؟
- prosey syasîî kurdstan prsêk nîye tenya pêwendî be partî û goranewe hebêt، belku prosey syasîî kurdstan bepley yekem brîtîye le pêwendî nêwan partî dîmukratî kurdstan û yekêtî nîştmanî kurdstan û înca komelêk hzbî dîke، ç ewaney le perleman beşdarn، ç ewaney le derewey perlemann û lem wlate bûnyan heye، herboye nakrêt prosey syasî kurdstan bgate bnbest، eme çîye، goran be hendêk şt razî nîye، nabêt layene syasîyekanîş em çawerwanîyeyan hebêt، bewey debêt hemû layenekan be hemû ştêk razî bn، lenaw prosey syasîda eger rêjeyekî berz le layene syasîyekan leser bernameyek razî bn، ewa em razîbûne debête bernamey wlat û dekrêt em haletey drustbuwe wrde wrde çareser bkrêt.
* wek bastan krd prosey syasî be pley yekem wate pêwendîî partî û yekêtî، belam êsta yekêtî wa xerîke legel bzûtnewey goran rêkkewtn dekat، aya partî dîmukratî kurdstan çon seyrî em rêkkewtne dekat؟
- le ber euey heta êsta be fermî deqî rêkkewtnî nêwan goran û yekêtî leberdestman nîye، boye nakrêt qsey lebarewe bkeyn، eme dehêlînewe ta eu katey rêkkewtneke be fermî radegeyenn، eukat helwêstî xomanî leser derdebrîn، legel eweşda eger em rêkkewtney nêwanyan bo ewe bêt kêşey nêwanyan wek yekêtî û goranî pê çareser bken، eme karêkî başe û heqî xoyane bo euey aştîyekî dûlayene le nêwanyanda hebêt، belam eger bem rêkkewtne byanewêt be şêweyek le şêwekan bîkene nexşerêgeyek û bo çonyetî çareserkrdnî kêşekanî herêm bekarî bhênn، eme hîç akamêkî nabêt û serkewtûş nabn.
* aya lembarewe legel yekêtî nîştmanî qsetan krduwe، ke çî le rêkkewtnî nêwan partî û yekêtî û çî le rêkkewtnî nêwan goran û yekêtî dewêt؟
- ême yekêtî nîştmanî kurdstanman serpşk nekrduwe bewey axo çî le ême dewêt، yan çî le bzûtnewey goran dewêt. boye eme rêkkewtnî dûlayeneye، euca ç legel goran rêkkewtn bken، yan legel her layenêkî dîke، êmeş wek partî rêkkewtnman legel yekêtî heye، belam lêrewe prseke eweye aya eu lêktêgeyştney nêwan yekêtî û goran çend hemaheng debêt legel lêktêgeyştnî nêwan ême û yekêtî، eme grînge û karîgerî debêt leser rêkkewtnî nêwan ême û yekêtî، debêt yekêtî eme leber çaw bgrêt، lelayekî dîkewe yekêtî nîştmanî kurdstan wek hêzêk lenaw hêze syasîyekanî kurdstan karîgerî xoy heye، betaybetî le deverî slêmanî، emeş wadekat yekêtî xemî serekî leser eu nawçeye çrbkatewe û baştr îş bkat bo euey kêşekan lewê kem bkrênewe، belam sebaret be koy prosey syasîî kurdstan، bêguman debêt xwêndneweyekî drust bo hemû hêze syasîyekanî kurdstan bkrêt.
* aya lew maweyeî dengoy îmzakrdnî rêkkewtnî yekêtî û goran heye، êwe wek partî kobûnewetan legel yekêtî nekrduwe؟
- maweyeke kobûnewey hawbeşî partî û yekêtî encam nedrawe، ême çawerêy ewan buuyn ke amadebaşîî kobûneweyan hebêt، ke taêsta wadey kobûnewe dyarî nekrawe، belam le kobûnewekanî pêştr le gelyanda leser pêwendî nêwan partî û yekêtî gftugoy zor krawe û herdûlaşman komelêk wereqey lêktêgeyştnman legel yekdî alugor krduwe، boye rwangey ême lay ewan zor rûn û aşkraye û bo çonyetî çareserkrdnî barudoxî syasîî êsta û eu kêşaney le kurdstanda bûnyan heye، boye mezndey ême bewcoreye، yekêtî le rêkkewtnî legel goran reçawî eu têgeyştne bken ke legel ême heyane.
* dyare em prse le duay geranewey newşîrwan mstefa zyatr germ buwe، belam serkrdayetî partî ta êsta lew bwareda bêdeng buwe، aya hokarî em bêdengîyetan çîye؟
- meseley geranewey، yan bûnî le derewe، ewe hîç pêwendîyekî be partî dîmukratî kurdstanewe nîye، her boye hîç helwêstêkîşman lebareweye nîye.
* mebest eweye duay geranewey newşîrwan mstefa mezndey ewe nakrêt partî û goran pêkewe kobbnewe؟
- le syasetda hîç ştêk mehal nîye، belam le rwangey êmewe em prse pêwîstî be zemînesazî ewe heye ke goran be syasetî xoyda bçêtewe، herweha debêt goran dan bew helaneda bnêt ke krdûyetî û le akamî eu helaney goran komelêk kêşey nawxoyî drust bûn، pêştr ême wek partî destpêşxerîman krd û serdanman krdn û legelyan kobuuynewe، belam ewan hîç welamdaneweyekyan nebû، boye ême hêç hengawêkî dîke helnagrîn heta ewan be syasetî xoyanda neçnewe، mezndeş nakem ewan eu amadebaşîyeyan hebêt bo euey bexodabçnewe.
* kewate ba prsyareke beşêweyekî dîke bkeyn، nexşerêgey êwe bo karakrdnewey perleman çone؟
- boçûnî ême bew coreye ke bzûtnewey goran le beşdarîkrdnî le hukmranîda be şêweyekî gştî serkewtû nebuwe، betaybetîş le serokayetîkrdnî perlemanî kurdstanda، leber euey serokayetî perleman û xudî perlemanyan krde beşêk le kêşekan، le katêkda debwaye serokayetî perleman û perlemanîş beşêk bûnaye bo çareserkrdnî kêşekan، belam bedaxewe goran guşaryan xste perleman û serokî perleman û perlemantaranî goran û serokî perlemanîş amadebaşî eweyan têdabû eu guşare qbûl bken، emeş waykrd ke perleman zyatr bbête şwênî qûlkrdnewey kêşekan، lebrî euey kêşekan xawbkateweu çareseryan bo bdozêtewe.
* aya mebesttan eweye partî razî nabêt carêkî dîke serokayetî perleman be goran bdrêtewe؟
- ême namanewêt proseyek ke tecrebeman krduwe û serkewtû nebuwe، carêkî dîke dûbarey bkeynewe، betaybetîş lem barudoxe hestyar û naskey ke kurdstanî pêda têdeperêt، le hemankatda hîç gorankarîyek bedî nakrêt le şêwazî mamelekrdn û bîrkrdnewey goranda، înca çon carêkî dîke em hele kuşndeye dûbare bkeynewe؟
* belam eger duay em rêkkewtneyan، yekêtî heman boçûnî goranî hebû bo asayîkrdnewey barudoxeke، eukat êwe helwêsttan çon debêt؟
- pêştr ême ememan legel braderanî yekêtî bas krduwe، ra û têrwanînî ême leser em prse lay yekêtî nîştmanî rûn û aşkraye، dezann nexşerêgey ême bo çareserkrdnî kêşekan û karakrdnewey perleman çîye، leser emeş hemahengîman legel yekêtî û layenekanî dîkeş hebuwe.
* aya yekêtî nîştmanî be tewawetî tefehumî em prsey krduwe bewey partî têrwanînî bo çareserkrdnî kêşekan çone؟
- bêguman barudoxeke tefehum deken، zor be wrdî basman leser em babetane krduwe، tenanet le duayîn kobûnewî hawbeşî mektebî syasî partî û yekêtî ke be serperştî berêz serok barzanî encamdra، berêz hakm qadr endamî mektebî syasî yekêtî texuylkra، bo euey be nwênerayetî partî û yekêtî، ray kobûneweke bbat bo goran û pêyan blêt eme ray kobûnewey hawbeşî partî û yekêtîye، debêt lew mewdaye kêşekan çareser bkrêt، belam nek bew têrwanîney goran heyane، belku bew têrwanîne hawbeşey le nêwan partî û yekêtî û hzbekanî dîkeda heye.
* dyare êsta leser astî êraqîş barudoxeke têkçuwe، fraksyone kurdstanîyekan geranewe herêmî kurdstan، aya çon seyrî prsî êraq deken û aya êwe wek dû dosyeî cyawaz seyrî deken، yan herdû dosyeke pêkewe grêdrawn؟
- lay ême dû dosyeî cyawazn، leber euey ême le bexda wek kurd têrwanînman cyawaze bo çonyetî hukmranî le êraqda، belam le kurdstan ême le naw xomanda le ser çonyetî îdarekrdnî kurdstan cyawazîman heye، boye em dû dosyeye debêt le yektrî cyabkrêtewe، bo emeş partî dîmukratî kurdstan serokî fraksyonî xoy le perlemanî êraq texuyl krduwe ke legel fraksyone kurdstanîyekanî dîke bo rûberûbûnewey eu astenganey hatûnete pêş le bexda hemû pêkewe rêkbkewn، herweha legel hemû layenekanî dîkeş le pêwendîdayn bo euey hemû pêkewe wek fraksyone kurdstanîyekan yek helwêstman hebêt، sebaret be kêşe nawxoyyekanî xoşman، eweyan şêwaz û mîkanîzmêkî dîkey pêwîste û lem dosyeşda be cya hengaw bo çareserkrdnî kêşekanî nawxoy kurdstan heldegrîn.
* le çend rojî rabrdûda، selîm cburî serokî perlemanî êraq serdanî slêmanî krd û legel layenekan bêcge le partî le slêmanî kobuwewe، aya eme hewlêk nîye bo pertkrdnî rîzî fraksyone kurdstanîyekan le bexda؟
- lewaneye le naw xeyaldanî ewanda em nyaze bûnî hebêt، belam wek ştêkî melmus hîç belgeyek leberdest nîye ta blêyn waye، yan wanîye، belam eger basî serdanekey bkeyn، min delêm serdanekey selîm cburî bo slêmanî heley gewrey têda bû، eu debû le paytextewe destî pê bkrdaye ke hemû damezrawe şerîyekan û tewauy hzbekanî kurdstan baregayan lêy heye، boye aşkraye ke debû le kwêwe dest pêbkat.
* eî êsta têrwanînî partî dîmukratî kurdstan leser em ajawe û paşagerdanîyeî naw prosey syasîî êraq çone؟
- pêş euey em rûdawaney duayî le hêrşkrdne ser perleman û sûkayetîkrdn be perlemantaran drust bbêt، kobûneweyek le nêwan partî û yekêtî û layene syasîyekanî dîkeda kra، lew kobûneweyeda bryar dra، ke şandêkî kurdstan bçête bexda û legel layenekan û berprsekanî hkumet be raşkawî qse bkat، legel karbedestanî dewletî êraq û tewauy layene syasîyekan، ewaney beşdarn le hkumet û herweha ewaneşî wek fraksyonekanî naw perleman beşdarn، lewê eu prsyareyan lê bken، aya kurd û ereb pêkewe şerîkn lem wlate، yan ne؟ eger ême şerîkîn، ewa manay şeraket eu reftar û şêwaze nîye ke êsta beramber kurd deyken، boye debêt bgerênewe bo şeraketî rasteqîne، bo emeş debêt pêş hemû şt nexşey şeraketî hkumet û dewletî êraq leberçaw bgîrêt، ta bzanîn û têbgeyn şeraketî ême legel êwe le kwêye û le çîdaye. debêt em prse yeklayî bkrêtewe، înca bêne ser çonyetî mamelekrdn legel maddey 140î destûrî êraq، dyare debû zor zûtr maddey 140 cêbecê bkraye، leber euey pştgwêxstnî cêbecêkrdnî maddey 140 berdewam kêşey le nêwan kurdstan û bexda xulqanduwe، herwek euey bem duayye le xurmatû ruuyda، eger maddey 140 cêbecê bkraye، eu kêşeye ruuynededa، euca baskrdnî meseley beşe budcey herêmî kurdstan legel êraq û çonyetî dabeşkrdnî dahatekan û duay emane euca bêne ser euey çon û be ç rêjeyek beşdarî le hkumetî êraqda bkeyn، belam duay eu rûdawaney ruuyda û perlemanî êraq dagîrkra، êsta şwênêk nemawe qsey legel bkeyn، hkumetî êraq xoy hkumetêkî bêdeselate û natwanêt xoy bparêzêt، layene syasîyekanîş be şîe û sunnewe hemûyan tundro û myanro û lêkcyawazn، boye carê nardnî em şande ragîrawe، belam hemû layene kurdstanîyekan leser em prse kok û yekdengîn.
* prsêkî dîkey grîng، prsî azadkrdnewey musle le destî da'ş، belam metrsî duay da'ş dêtearawe sebaret be çonyetî îdarekrdnî eu şare، aya têrwanînî êwe bo prosey azadkrdnî musl û duay azadkrdneweke çîye؟
- dyare meseley musl çend rehendêkî heye، rehendî yekemî meseley azadkrdneweyetî le destî da'ş، rehendekey dîkey eweye duay azadkrdnewey musl çon îdarey parêzgay neynewa dekrêt. sebaret be rehendî yekemyan ke prosey azadkrdnewey musle، em layene planî serbazî têdekewêt، bewey kurd le kwêwe beşdarî dekat û çon beşdarî dekat، emeyan pêwîstî be rêkkewtnî serbazî heye، lem layenewe sebaret be grîngîî musl bo herêmî kurdstan، dyare bûnî da'ş le naw musl karîgerî rastewxoy leser herêmî kurdstan heye، betaybetîş le her sê parêzgay dhok û hewlêr û kerkûk، boye bo herêmî kurdstanîş grînge da'ş le musl nemênê، leber euey ême besedan hezar pêşmergeman leberekanî şerî djî da'şe û rojane le hêlê pêşewe şehîd dedeyn، belam debêt eweş bzanîn azadkrdnewey musl asan nye، musl şarêkî gewreye û mozaykî cyawazî têdaye، naw şareke beşî zorî erebe lenaw erebekanda dabeşbûnî syasî heye cge lewey sunne û şîe lenaw eu parêzgaye bûnî heye. herweha rîjeyekî berçawî naw şareke kurde، leruuy eayînewe beşêkî kurdî musl êzdîn، pêkhatekanî dîkeş wek kldan sryan aşurî û turkman bûnyan heye، boye le qonaxî yekemda ke proseyekî serbazîye prsyar ewe debêt kê beşdarî le proseke dekat û çon azadî dekenewe؟ emeyan zor trsnake leber euey eger heşdî şe'bî beşdarî bkat، heşdî wetenî qbûlî nakat، rehendî duwemî ke syasîye، eweye çon em parêzga aloze îdare dekrêt û kên ewaney beşdarî le îdaredanî em parêzgaye deken؟ emane eu prsanen debêt le êstawe leserî rêkbkewîn.
* be têrwanînî êwe debêt duay azadkrdnewey musl، çon parêzgay neynewa îdare bkrêt؟
- be têrwanînî ême parêzgay neynewa pêwîstî be rêkxstneweyekî wrd heye، grînge pêkhate cyawazekanî musl leberçaw bgîrên û bepêy boçûnî eu pêkhate cyawazane neynewa rêkbxrêtewe، pêkhate serekîyekanîş brîtîn le ereb û kurd û kldosryan aşûrî، dyare heryek lem pêkhataneş tmûhî cyawazyan heye، dyare tmûhî beşêkî zorî erebekanî neynewa eweye nek her deyanewêt tewauy parêzgay neynewa xoyan berêwey bern، belku eger boyan bçêteser daway geranewey dhok û akrê-îş deken bo ser parêzgay neynewa، bêguman emeyan bo naçêteser، leberamberda daway kurd eweye ke eu nawçaney ke zorîneyan erebn، ba ereb berêwey bbat، be heman şêwe eu nawçaney zorîney kurdn، ba kurd berêwey bbat، eu nawçaneşî zorîneyan kldosryan aşûrîn، ba ewan xoyan berêwey bern. dyare em têrwanîney ême hem bo eweye asayş û seqamgîrî bo parêzgake bgerêtewe، hemîş baştr berêwedebrêt û zemîneyekî başîş derexsênêt bo dûbare bunyadnanewey eu nawçaney be hoy şerî da'şewe kawl bûn. dyare eger seqamgîrî û asayş bo musl û tewauy parêzgay neynewa dabîn nekrêt، ewa ne eu kawlkarîye dûbare bunyad denrêtewe، ne zemîneyekîş drust debêt bo euey weberhênanî têda bkrêt.
* eger basî şngal bkeyn، dyare pêştr le nêwan şngal û herêmî kurdstan dabranêkî cugrafî hebû، belam duay azadkrdnewey leser destî pêşmerge، eu dabrane cugrafîye nemawe، aya duay azadkrdnewey musl، deşêt şngal bgerêtewe ser parêzgay neynewa û aya ewe dûbare şngalîyekan û êzîdîyekan rûberuuy metrsî nakatewe؟
- euey ruuyda karesatêkî tal bû bo hemû kurd، belam lewe taltr eu karesate bû be ser xuşk û bra êzîdyekanman hat، boye be teekîd debêt şêwazî berêwebrdnî şngal û dewrberî heta zummar û şwênekanî dîkeş bewcore bêt، bîruboçûn û têrwanînî xelkî eu nawçeye leber çaw bgîrêt û nabêt carêkî dîke bkenewe ber hereşe û metrsî، ême legel ewe nîn bêcge le xoyan xelkî dîke îdarey eu nawçane bkat، sebaret be dabranî cugrafîî şngalîş le herêmî kurdstan، bêguman eu dabrane berencamî syasetî beerebkrdnî eu nawçaneye، belam êsta erebekanî eu nawçeyeş be hawşêwey beşêkî zorî erebekanî kerkûk legel ewedan bbnewe be beşêk legel herêmî kurdstan.
* em prsyareman taybet dekeyn be prsî serbexoyî û rîfrandom، dyare lem maweyeda hest dekrêt partî dîmukratî kurdstan helmetêkî bo zemînesazî be mebestî encamdanî rîfrandom dest pêkrduwe، aya em helmete berencamî kobûnewekanî mektebî syasî û encumenî serkrdayetî partî dîmukratî kurdstane؟
- le prsyarekanî pêştrda، amajem bewe krd، pêş rûdawekanî em duayyeî bexda، bryar bû şandêkî kurdstan bçête bexda، yekêk lew prsaney ke bryar bû em şande legel bexda basî bkat، prsî encamdanî rîfrandom bû، boye lêman deprsn، eger êwe natwann şeraketî kurd qbûl bken، baştrîn rêge eweye dû drawsêy baş bîn، leber euey zor le mêje û lekatî hatnî layenekanî şîe bo lay serok barzanî le çend salî rabrdû، serok barzanî raşkawane pêy gutn: yan debêt şerîkî rasteqîne bîn، yan debêt cyabbînewe، yan debêt şerbkeyn، lem sê bjareye zyatr ştêkman leberdest nîye. layenî şîe eukat gutyan meseley şer nabêt bîrî lêbkrêtewe، boye le êstada eger netwanîn şerîk bîn، debêt cyabbînewe، boye yekemîn wlat leser em prse qsey leser dekeyn êraqe، eger êraq razî bêt، lewaneye her rîfrandomîş pêwîst nebêt. boye meseley rîfrandom cddîye û hemû hewlêk xrawete ger bo euey eu proseye encam bdrêt.
* boçûnêk heye delên، partî dîmukratî kurdstan nayewêt le mawey îdarey obama em rîfrandome encam bdrêt û çawerêy serokî dahatuuy emrîka dekat، aya taçend em boçûne raste؟
- be pêçewanewe ême pêman başe her lem maweyeda ke êdarey obama le deselatdaye، em rîfrandome encam bdeyn، yekêk lew xalaney êmeş û yekêtî cextî leser dekeynewe، eweye heta îdarey obama le deselatdaye، em rîfrandome bkeyn.
* aya eu îmkanyete heye em proseye lem maweyeda encam bden؟
proseke eger astengî nawxoyî bo drust nekrêt، proseyekî zor qurs nîye، eme wek prosey helbjardn nîye ke xercîyekî zor û karmendî zor buwêt، belî eger astengî bo drust nekrêt، îmkanyet heye proseke be serkewtuuyî encam bdeyn.