lem barudoxe hestyar û alozey nawçey rojhelatî nawerastî pêda têdeperêt، bo yekemîn care le mêjûda helêkî zêrîn bo kurd hatotepêşewe bo euey dewletî serbexoy kurdstan le parçeyekda rabgeyenêt، belam em frseteş ke bo kurd helkewtuwe

Lem barudoxe hestyar û alozey nawçey rojhelatî nawerastî pêda têdeperêt، bo yekemîn care le mêjûda helêkî zêrîn bo kurd hatotepêşewe bo euey dewletî serbexoy kurdstan le parçeyekda rabgeyenêt، belam em frseteş ke bo kurd helkewtuwe، beder nîye le hereşe û tehedday derekî û nawxoyî، boye yekrîzî nêwan hêze syasîyekanî kurdstan û dûrkewtnewe le şerî bewekaletî em dewlet û eu dewletî dagîrkarî kurdstan، zaminî serekî serkewtnî prosey serbexoyye، lenaw em barudoxe gordraw û alozeda، hêzêkî wek pekeke hemû hewlî xoy xstote kar bo euey jîngey lebarî syasî bo çareserkirdnî kêşey kurd le bakûr û helî serbexoyî le başûrî kurdstan têkbdat، lemeş xraptr bote beşêk lew mîhwerey ke êran djî drustbûnî dewletî kurdstan be pştgîrî dîmeşq û bexda serokayetî dekat. arastey hewlekanî pekeke geyştote euey be aşkra barudoxeke ke le berjewendî kurde le hemû kurdstanda، têkîbdat. bo xwêndnewey rewşî êsta û eu hewlaney pekeke bo têkdanî barudoxeke deydat، em dîmaneyeman legel syasetwan osman ocalan encam da û bemcore ray xoy bo gulan xsterû.
* kurdstan be şêweyekî gştî be gorankarîyekî berdewam û xêrada têdeperêt، em gorankarîye her çwar parçey kurdstanî grtotewe، aya çon seyrî em gorankarîye berdewam û xêrayane dekeyt؟
- rewşî êstay gorankarîyeke le her çwar parçey kurdstan têkele û wek yek nîye، boye debêt her parçeyek be cyawaz qsey leser bkeyn. sebaret be başûrî kurdstan، êsta zemîneyekî lebar bo rageyandnî dewletî serbexo heye û hemû hawulatyanî kurdstanîş umêdêkî gewreyan la drust buwe، sebaret be rojeaway kurdstan hewlêk drawe bo fîdrasêonî bakûrî sûrya، emeş wêray eu kemukurîyeî le şêwazî berêwebrdnî deselatî peyede le rojawa heye، dîsan hengawêkî başe leber euey deselatêkî kurdî têda berceste debêt، kemukurî gewrey peyede le rojeaway kurdstan eweye ke rêgre lewey hemû layene syasîyekan wek pêwîst le deselat beşdar bn. pêştr serok barzanî le myaney rêkkewtnî hewlêr 1 û 2، herweha rêkkewtnî dhok، layenekanî rojeaway kokirdewe û rêkkewtn le nêwanyanda îmza kra، belam pêdeçê peyede deyanewêt be tenya xoyan le deselatda bn û layenekanî dîke wek perawêz bûnyan hebêt، boye grnge em layene leber çaw bgîrêt û layenekanî dîkeş eger be fîftî be fîfîtş nebêt، beşdarî bken û cêgey xoyan le gorepanî syasî rojawa bkenewe، belam dîsan wêray em kemukurtîyaneş hengawêkî erênîye bo dozî kurd. sebaret be bakûrî kurdstanîş، wek debînîn şerêkî frawanî têda hatotearawe، eu şere gurzêk bû ber bzavî neteweyîman kewt û azarî da، emeş leber eweye bakûr nawendî têkoşanî neteweyî êmeye، têkçûnî barudoxî sûr û cezîre bo bzavî neteweyîman gran radewestêt، emeş berencamî syasetî pekekeye، bedaxewe pekeke lem şereda berjewendî hêzî derekî leberçaw grt، boye em şere be hîç corêk le berjewendî kurd nebû، lelayekî dîkewe min em şere be grêdrawî pîlanêkî nêwdewletî le ser bzavî neteweyî kurd dezanm، emeş leber eweye eu şere çendîn metrsî le bakûr drustkirduwe ke be zyan bo kurd deşkêtewe. sebaret be rojhelatî kurdstanîş، dyare êsta eu parçeye bêdenge، belam pêwîste hêze syasîyekanî rojhelat xoyan amade bken û çalak bn، betaybetîş lem saleda ke helbjardnî emrîka dekrêt û serokî emrîka dêtegorîn. be boçûnî min lem helbjardneda donald tramb debête serokî dahatuuy emrîka û euyş wek le bangeşey helbjardnekan amajey pêkirduwe، eger bbête serokî emrîka rêkkewtneke legel êran heldeweşênêtewe، emeş manay eweye serokî dahatuuy emrîka djî êran debêt û syasetî emrîka le rojhelatî nawerast gorankarî beserda dêt، boye debêt hêze syasîyekanî rojhelatîş xoyan bo em gorankarîyane amadebken، beşêweyekî gştî detwanm blêm le her çwar parçey kurdstan berewpêşeweçûnêk heye، helekan bo kurd le hemû kat zyatrn، betaybetîş bo başûrî kurdstan، boye hîwadarm layene syasîyekanî başûr wek salî 2015 kêşe drust neken û hemû yekbgrn bo euey serî salî dahatû bbête serî salî kurd û serbexoyî kurdstan.


* belam wek deybînîn serkirdayetî eskerî pekeke le qendîl bernamey wlatanî dîke cêbecê dekat û hewldedat le her çwar parçey kurdstan kêşe û asteng drust bkat، aya debêt nyazî serkirdayetî eskerî pekeke çî bêt؟
- katêk berêz ebdula ocalan serkirdayetî pekekey dekird، pekeke legel hemû layenêk wtuwêj û pêwendî hebû، wate xetî serbexoy pekekey deparast bo euey nebête hêzêk ke paşkoy hîç layenêk bêt، belam duay euey ocalan destgîrkra، le serkirdayetî pekeke hemû eu prsyareyan dekird، aya pekeke bkewête bn bandorî ç hêzêk؟ le hemankatda hendêk hêzî herêmîş pêşwexte pîlanyan leser pekeke darştbû، her bo nmûne rûsya amade nebû ocalan bparêzêt، belam duay euey destgîr kra، rûsya hendêk grupî narde lay pekeke، eu grûpane hatbûn pekeke hanbden bo euey şerêkî nawxoyî le turkya helbgîrsênêt، êranîş be rêgeyekî dîke deyuyst hejmûnî xoy beser pekekeda zal bkat، sûryaş deyuyst be rêgey cemîl bayk pekeke bekar bhênêt، min djî em pîlanane bûm، boye êran û sûrya rayangeyand ême osman ocalan-man nawêt bo peywendîyekanman legel pekeke، boye herdû wlatî sûrya û êran bryaryan da cemîl bayk be nawî pekekewe qseyan legelda bkat، her boye duay têperbûnî sê mang be ser zîndanîkirdnî apo، dû kes hatne qendîl ke yekêkyan omerê wesê bû، ke êsta le perlemanî sûrya perlemantare، euy dîkeşyan be nawî merwan zerkî ke be axa nawyan debrd، le qendîl raportêkyan leser pekeke amade kirdu paşan geranewe bo sûrya û dawyan kird ême bçîne sûrya leber euey pekeke le sûrya hewadar û layengrî zor bû، bo emeş sûrya bêcge le cemîl bayk be kesî dîke qayl nedebû، cemîl bayk duay zîndanîkirdnî ocalan hendêk pêwendî legel sûrya drustkirdbû، lelayekî dîkewe legel êraqîş hatuçoy hebû.

* aya duay zîndanîkirdnî ocalan serdanî êrant nekird، bo euey serlenwê pêwendîyekanî pekeke û êran rêkbxeytewe؟
- dû roj duay destgîrkirdnî apo serdanî êranm kird، lewê bangewazêkm bo hemû kurd rageyand û dawam lêkirdn raperîn bken û herçîyan pêdekrêt bîken bo euey gyanî ocalan bparêzrêt، xoşbextane kurdan bedeng bangewazekewe hatn، le bakûrî kurdstan xelk raperî û le rojhelatî kurdstanîş le mehabadewe ta îlam xelk raperî، belam êran duay dû roj bangî minî kird û pêy rageyandm، yan bangewaz dekeyt bo euey raperîneke xamoş bbêtewe، yan debêt destbecê êran becêbhêlît، eu katey êran daway kird derbçm، 20î şubatî 1999 bû، boye naçar bûm rojî 21î şubat êran becê bhêlm û rûbkeme mezrekanî başûrî kurdstan، dyare eu kate nawerastî zstan bû، befr û rehêleyekî zor hebû، bew roje sexte êmeyan le wlatî xoyan derkird، pêştrîş ke hêşta ocalan destgîr nekrabû، dîsan dawam le êran kird ke be rêgey şaxekanî ermenstan apo be naw êranda bgwazînewe bo çyakanî kurdstan، belam êran emey retkirdewe û razî nebû، lemewe boman derkewt êran djî şexsî mine، boye duay em dû rûdawe bryarm da danustandn legel êran nekem، dwatrîş êran cemîl baykî helbjard û pêwendî legel pekeke grêda، boye cemîl bayk hem buwe dostî êran û hem dostî sûryaş.


* aya daxwazî êran û sûrya çî bû leser pekeke ke rett dekirdewe؟
- êran û sûrya û herweha êraqî serdemî sedam husên leser astî herêmî û rûsya leser astî nêwdewletî daxwazîyan leser pekeke ewe bû şerêkî nawxoyî le nêwan kurd û turk le naw turkya helbgîrsênêt، em şere destî pêkird، belam berêz ocalan le zîndanewe rênmayî bo pekeke derkird، em şere rabgrn، eukat min le qendîl bûm، murad qereylan le eurupa bû، cemîl bayk le sûrya bû، boye le qendîl be emrî waqî' bryar lay min bû، minîş şerekem ragrt، belam qereylan û bayk deyanuyst şereke berdewam bêt û eu pîlaney êsta cêbecêy deken le salî 1999 cêbecêan bkirdaye، lemeşda be aşkra xwastî eu dewletane aşkra bû، êran rêgey dabû gencêkî zorî rojhelat pêwendî be pekekewe bken، zyatr le 2000 gencî rojawa bbûne çekdarî pekeke û sûrya bêdeng bû، boye eu kat êran û sûrya deyanuyst şerêkî nawxo le turkya drust bken، belam apo nedebuwe dardestî hîç layek boye duay kird şereke rabgîrêt û minîş şerekem ragrt، ême eu kat nemanhêşt eu şerey êsta rûbdat، ba seyr bkeyn le mawey çend mangî rabrdû tenya le czîrê zyatr le 850 gencî kurd kujrawn، le sûr zyatr le 400-500 gencî kurd kujrawn، erodgan raygeyanduwe le mawey em 6-7 mangey şer zyatr le 5000 kurd kujrawn û le hêzî turkîş nzîkey 350 kes kujrawn، ba lêrewe berawrdêk le nêwan eu kate bkeyn ke ebdula ocalan serokayetî pekekey dekird، pekeke be 10 salîş ewende şehîdî nedawe، emeş manay eweye eu zyaney pekeke le mawey çend mangêkda dawyetî، barteqay 10 sal xebatî çekdarî pekeke buwe، emeş azarî bzavî neteweyî kurdî dawe، betaybetîş le bakûr ke nawendî têkoşanî neteweyîmane، em şere xebatî 30 salî pekekey le bakûr lawaz kirduwe، boye dawa dekem em şerey êsta pekeke le bakûr deykat، lêprsînewey leser bkrêt، debêt prsyar bkeyn، aya em şere berfrawane bo berjewendî kurde، yan bo berjewendî hêz û layenî dîkeye؟ min pêmwaye em şerey êsta pekeke deykat، eu şerane nîn ke apo serkirdayetî dekird، şêwazî apo ewe bû nabêt ke şerêk dekeyt، eu şere bdorênît، boye em şere be şêwazî şerekanî ocalan nîye.
* aya detwanîn blêyn serkirdayetî êstay pekeke le qendîl wazyan le xetî ocalan hênawe؟

- detwanm blêm serkirdayetî êstay pekeke le qendîl le felsefey apo dûr kewtûnetewe، min zor car eu rexneyem arastey serkirdayetî pekeke kirduwe، taze murad qereylan eu rexneye qbûl dekat، her boye em şerey êsta pekeke deykat şêwazî apo nîye، leber euey baş dezanm şêwey em şere wek şerî apo nîye، lay apo leser bnemay here، yan mere şer nakrêt، euey êsta serkirdayetî qendîl deykat، corêke le qumarbazî، ke le felsefey apoda bewcore şer nakrêt، eger apo bîzanyaye le şerêkda deşkêt، eu şerey nedekird، apo deyuyst kurd xebatêk bkat ke têkneşkêt.
* belam euey êsta wek waqî' deybînîn، eweye ke pekeke nek her le bakûr، belku deyewêt xebatî başûrîş têkbşkênêt، benyaze ajawe le başûr drust bkat، be aşkra le şngal delêt min ferman le heşdî şe'bî werdegrm، nek le herêmî kurdstan، aya mebestî pekeke lem têkdane çîye؟

- şerî êstay pekeke bo berjewendî kurd nîye، raste pekeke beşdarî şerî djî da'şî kirduwe، betaybetî le rojeaway kurdstan û herweha le başûrîş، eme cêgey destxoşîye، belam destêwerdanî pekeke le başûrî kurdstan karêkî xrape û rewa nîye. ba em prsyare le pekeke bkeyn، aya rolî başûrî kurdstan bo şorşî bakûr çî buwe؟ bêguman hemûman dezanîn başûrî kurdstan çyakanî başûrî pêşkeşî pekeke kird û be hemû şêweyek hawkarî pekekey kirduwe، boye raşkawane delêm eger çyakanî başûrî kurdstan nebûnaye، le bakûr şorş pêş nedekewt، boye eger bakûr nawendî têkoşanî neteweyî bêt، ewa başûr çawî nawendî eu bzave neteweyye، raste hendêk car prsgrî lenêwan partî dîmukratî kurdstan û pekeke hebuwe، belam bo mêjû deylêm le salî 1983 yekem rêkkewtnî pekeke legel partî dîmukratî kurdstan buwe، emeş wate hêzekanî başûr pştgîrî şorşî bakûryan kirduwe، herweha pştgîrî başûr bo tewauy şorşekan le bakûr û rojawa û rojhelatîş leberçawe. partî dîmukratî kurdstan û serok msod barzanî ç be aşkra û ç be nhênî hawkarî şorşî hemû parçekanî kurdstanyan kirduwe، boye zor grnge hemû hêzekanî kurdstan be wryaîyewe mamele legel başûrî kurdstan bken û nabêt rêge bdrêt em ezmûne têkbçêt، nabêt rêge bdrêt hêzêkî kurdî le başûr kêşe drust bkat، her boye eger pekeke byanuuy eweye le kerkûk û şngal beşdarî şerî kirduwe، ewa pêy delên: destxoş، belam nabêt le başûr kêşe drust bkeyt، to hatuuyt hawkarî başûr bkeyt، xo nehatuuyt bo euey le başûr bêyte deselat. eger pekeke deyewêt le başûr bbête deselat، eme drust nîye. êsta barudoxêk le başûr hatote arawe hemû dewletanî cîhan kunsulxaney xoyan le hewlêr kirdotewe، abûrî kurdstan berew abûrîyekî serbexo hengaw heldegrêt û wek dewletêkî serbexo danustandnî abûrî dekat، emeş manay eweye le çendîn lawe bnaxeyekî ptew bo dewletî serbexo damezrawe، emeş deykate pêwîstîyek bo euey hemû hêzekanî kurdstan pştgîrî bken، nek kêşey bo drust bkrêt، belam bedaxewe pekeke le germyan û slêmanî û deverî raperîn daway deselat dekat.


* raşkawane pekeke daway kanton dekat، aya pekeke be ç nyazêk kanton le başûr drust dekat؟ aya emey bo deçêteser؟
- pekeke deyewêt başûr dagîr bkat، bo emeş zor hewlîdawe belam serkewtû nebuwe، emeş leber eweye başûrî kurdstan wek beşekanî dîkey kurdstan nîye û qet çol nebuwe، başûr nawendî xebatî şorşgêrî neteweyî buwe، her le serdemî şêx ebdulselamî barzanî heta êsta şorş le başûr berdewam buwe، eger çend salêkîş bêdeng bûbêt، belam dwatr her berdewam buwe، layene syasîyekanî başûrî kurdstan her yekeyan be corêk lem nawende şorşgêrîye cêgey xoyan grtuwe. êsta pekeke geyştote eu rastîye euey le beşekanî dîke boy çuweteser le başûr boy naçêteser، boye penay bo êraq û heşdî şe'bî brduwe û raygeyanduwe ke grêdrawî ewan debn. lem çwarçêweyeda ême dexwazîn her wlatparêzêk le her şwênêk bêt، pştgîrî dewletî serbexoy kurdstan bkat، euey pekeke be grêdrawî êraq hewlî drustkirdnî kanton dedat، ewe djî berjewendî neteweyye.


* aya detwanîn blêyn pekeke le mîhwerî taran û bexda û şam، bewekalet şer bo eu sê layene dekat؟
- wek pêştr gutm leser astî herêmî be serokayetî êran û be pştgîrî bexda û şam، herweha le ser astî nîwdewletî be pştgîrî rûsya، pekeke şerî bewekalet dekat، pekeke grêdrawî eu rêkkewtneye ke berjewendîyekanî şam û bexda û taran û mosko pêkewe grêdedatewe، êran le başûrî lubnan hzbulay heye، le bakûr pekekey heye، le başûrî kurdstan hendêk hêz be hawpeymanî legel pekeke heldesûrênêt، boye raşkawane delêm ewaney legel pekeken lebereyekî dîkedan û berekey dîkeş ke amancî serbexoyî kurdstan û xebatî syasî û aşîxwazaneye، partî dîmukratî kurdstan serkirdayetî dekat، debuwaye em bere serbexoyîxwaze le çend salî rabrdûda xebatêkî frelayenî berpabkirdaye، hewlîbdaye bzavî syasî le bakûr û rojhelat û rojeaway kurdstan pêşbxat، raste hengawekanî partî dîmukratî kurdstan le başûrî kurdstan zor grngn، belam debuwaye le hemû parçekan xebatî xoy frawantr bkirdaye، debuwaye lanîkem partî dîmukratî kurdstan telefzyonêkî bo bakûr dabmezrandaye bo euey bzavî syasî pêş bxat û baştr zemîney çareserî syasî le bakûr drust bkat û xetêkî dîmukratîyaney pêş bxstaye bo euey xelk pştgîrî le çareserî syasî bkat، nek şer، belam bedaxewe ewe drust nebû، xelkî bakûrîş bêcge le pekeke elternatîvî dîkey nîye، hkumetî turkyaş be heman şêwey pekeke kardanewey heye، katêk pekeke şerî dest pêkird، hkumetî turkyaş pêşwazî lêkird û raygeyand be şer em prse yeklayî dekeynewe، belam turkya debêt ewe bzanêt be şerkirdn legel pekeke، hêzî tazey syasî le bakûr drust nabêt، heta hêzêkî syasîş wek elternatîv le bakûr drust nebêt، arastey serbazî pekeke lawaz nabêt.
* belam her em syasete heleyeî pekeke waykird، hedepe le helbjardnî duwemî turkya 20 kursî perlemanî ledest bdat، aya emeş gurzêk nebû bo bzavî syasî le bakûr؟
- hedepe hêzêkî syasî serbexo nîye û le ser zemîney pekeke pêş dekewêt، boye eger pekeke ştêkî retkirdewe، hedepe natwanêt hîç blêt، belam legel eweşda raste pekeke xeletî kird، belam turkyaş bo prosey aştî wek pêwîst nehatotepêş، çend sal pêş êsta grupêk le çekdaranî pekeke be nawî grupî aştî le xapûrewe geranewe turkya û xelk pêşwazî lêkirdn، em pêşwazîye manay eweye kurdî bakûr pêşwazî le bzavî syasî dekat، nek şer، belam turkya em pêşwazîyeî pê naxoş bû، deygut debê kurd xoy bêdeng bkat، lelayekî dîke le helbjardnî huzeyran kurd yekyan grt û dengyan da be hedepe û 80 kursî bedest hêna، emeş seretayekî baş bû، eger be şêweyekî rêkupêk eu xebate syasîye drêjey pêbdraye، lewane bû le helbjardnekanî dahatûda bgeyştayete 150 kursî perlemanî، bemeş kurd hem le deselatî nawend beşdar debû، hemîş ledeselatî herêmîda، belam turkya emeşî pênaxoş bû، eu helbjardney retkirdewe û helbjardnêkî dîkey pêşwexte encam dra، paşanîş pekeke destêwerdanî kird، daway kird şer bkrêt، nek syaset، emeş waykird barudoxeke têkbçêt û hedepeş kursî kemtr bhênêt، boye lem barudoxe eger rêge çareyek nedozrêtewe، ewa barudoxeke le hemû layek têkdeçêt û kurd û hkumetî turkyaş zerer deken.



* belam demêke serok barzanî hewldedat kêşey kurd le bakûr be rêgey syasî çareser bkrêt، emey be hêze gewrekanî wek emrîka rageyanduwe û rastewxoş legel hkumetî turkya basî kirduwe، tenanet serok barzanî daway kirduwe ebdulla ocalan azad bkrêt، bo euey çareserî aştîyane beser baladestî şerxwazî pekeke zal bbêt. lew bareyewe ratan çîye؟
- berêz serok barzanî û partî le hewldanî xoyan bo aştî berdewamin û ewan nayenewêt le nêwan kurd û turk şer hebêt، le êstaşda ke serok barzanî û herêmî kurdstan pêwendîyekî frawanî abûrî û barzganî û syasîyan legel turkya heye، amancî eweye aştî le turkya pêş bkewêt، em arasteyeî serok barzanî bo çareserî kêşey kurd le turkya zor raste، le ber euey kurd le turkya qewareyekî gewreye û zyatr le 20-25 mlyon kurd heye، eu kurdey le bakûrî kurdstan dejî nîwey eu kurdeye ke turkyaye، leber euey le şarêkî wek estenbul le êstada nzîkey 4.5 mlyon kurdî têda dejî، meznde dekrêt le yek dû salî dahatû nîwey estenbul bbête kurd، leber euey kurd be şalaw rû lew şarane dekat، lem haleteda ke kurdî bakûr nîwey zyatrî enadole، karêkî heleye btewêt be rêgeçarey serbazî kêşey çareser bkeyt، debêt kêşey kurd be aştî çareser bkrêt، belam pekeke û qendîl asteng drust deken، turkyaş pêşwazî lew xeletaney pekeke dekat. lem duayyeşda serok barzanî carêkî dîke hewlîda hkumetî turkya dest be prosey aştî bkatewe، belam be hoy alozî barudoxekewe netwanra prosey aştî rêkbxrêtewe، boye dûbarey dekemewe berdewamî şer û sûrbûnî turkya le ser çareserî serbazî barudoxeke berew xraptr debat.


* lem haletey êsta eger ebdulla ocalan azad bkrêt، aya taçend ocalan detwanêt bzavî syasî berew pêşewe bbat؟
- hemû dagîrkaranî kurdstan deyanewêt serkirde kurdekan lenaw bern، dyare zîndanîkirdnî ocalanîş her bew amance buwe، hkumetî êraqî le sedey rabrdû çend car hewlîda mela mstefa barzanî tîror bkat، êran qazî mhemedî le sêdare da û çendîn serkirdey dîkeşî lenaw brduwe، boye pêş hemû şt pêwîste dagîrkaranî kurd reftarî xoyan beramber be serkirde kurdekan bgorn. serok barzanî lem serdaney duayî xoy bo turkya daway lêkra apo le zîndan bbînêt، belam serok barzanî gutbuuy min naçm serkirdeyekî kurd le zîndanda bbînm û şwênî serkirdey kurd zîndan nîye، belku ser mêzî danustandne bo çareserkirdnî kêşekan be şêweyekî aştîyane. her boye serok barzanî bo azadkirdnî apo hewlî cddî dawe û hewlekanî berdewamin، eger apo azad bkrêt، jîngey syasî bakûr degorêt، xebatî syasî û prosey aştî be hengawî gewre deçne pêşewe û be azadkirdnî apo şerî nêwan kurd û turk kotayî dêt، her boye serok barzanî hewldedat apo azad bkrêt û leser em bnemayeş pêwîste hemû kurd pştgîrî hewlekanî serok barzanî bo azadkirdnî apo bken.


* aya ebdulla ocalan çon seyrî serkirdayetî barzanî lem qonaxe dekat؟
- apo pêş euey zîndanî bkrêt، deygut: amancî dagîrkeranî kurdstan ewe buwe ke malbatî barzanî le naw prosey syasî bzavî rzgarîxwazî kurdstan nehêln، boye cextî leser ewe dekirdewe ke malbatî barzanî xzmetêkî gewrey bzavî neteweyî kurdyan kirduwe û pêwîste le naw bzavî rzgarîxwazî kurdstanda cêgeyekî taybetyan hebêt û hêze syasîyekanî kurdstan rêzyan bgrn. çaw le wlatanî wek berîtanya û rojawa bken ke malbatî padşayan heye û çon rêzyan lêgrtuwe، boye pêwîste malbatî barzanî wek malbatî padşa le naw bzavî rzgarîxwazî seyr bkrêt û le bryarî stratîjî û çarenûssaz rolî xoyan hebêt، apo gutûyetî dujminayetî partî dîmukratî kurdstan bo pekeke le dostayetî zor layenî dîke baştre، boye rolî partî û malbatî barzanî lay apo zor cêgey rêze، apo dezanêt xebatî bakûr duay rêkkewtnî partî û pekeke le 1983 berew pêşewe çuwe. boye legel euey min apom nebînîwe bzanm sebaret be serkirdayetî barzanî lem qonaxe çî delêt، belam ewendey min le fîkrî apo şareza bm، le êstada apo pştgîrî prosey serbexoyî û damezrandnî dewletî kurdstan le başûr dekat .


* eger hendêk basî xebatî rojawa bkeyn، dyare êwe xotan peyedetan le rojawa damezranduwe، prsyar eweye boçî peyedeş be hawşêwey pekeke hîç layenêkî beramberî qbûl nakat؟
- duay zîndanîkirdnî ocalan، pekeke bernamey euey hebû gorankarî le syasetî xoy bkat û bernamey eu gorankarîye min amadem kirdbû، eu bernameyeş ewe bû ke pêwîste hêzî parçekanî dîke le parçey xoyan drêje be xebat bden، le konsey serokayetî eu kare draye murad qereylan، belam eu neçuwe sûrya، boye erkeke kewte serşanî min û be amadebûn û çawdêrî min peyede damezra، dyare damezrandnî peyede duay salî 2003 bû، eu kat rjêmî sedam rûxabû، çawerê dekra gorankarî le hemû nawçeke rûbdat، êmeş wek amadekarîyek bo eu gorankarîye peyedeman damezrand، peyede twanî le rojawa cêgey xoy bkatewe، her boye ke şerî sûrya destî pêkird، peyede twanî bbête deselat، euca leber euey peyede felsefey pekeke cêbecê dekat، deyewêt be tenya xoy le deselatda bêt، le felsefey pekekeda yek deselat heye، yek supa heye، yek hêz heye، emeş rengdanewey karîgerî kemalîzme le ser pekeke، leber euey felsefey kemalîzmîş le turkya yek dewlet، yek supa، yek neteweye.


* duayîn prsyarman sebaret be ray xote، aya çon seyrî prosey dewletbûn be serkirdayetî serok barzanî dekeyt û aya pêwîste çon pştgîrî em proseye bkeyn؟
- be hemû şêweyek pştgîrî prosey be dewletbûnî başûrî kurdstan dekem û xom be pêşmergeyekî serok barzanî dezanm، yekêk lew hokaraney waykird le pekeke cya bbmewe ewe bû xelkanêk hebûn le naw sekirdayetî pekeke deyanuyst dujminayetî partî dîmukratî kurdstan bken، min le djî ewan rawestam، leber euey dezanm başûrî kurdstan bo xebat û têkoşanî neteweyî çend grngî heye، boye lay min başûrî kurdstan bo bzavî neteweyî wek ke'be waye bo muslmanan، debêt hemû hêze syasîyekanî kurdstan başûrî kurdstan wek ke'be be pîrozî seyr bken، herweha pêwîste hîze syasîyekanî başûr hemû kêşe lawekîyekanyan wela bnên û hemû pêkewe pştgîrî serok barzanî bken bo serbexoyî، serok barzanî serokêkî helkewtuwe û detwanêt em prse bgeyenête amanc، debêt hemû layek bzann، leser destî şêx ebdulselamî barzanî em bzave destî pêkirduwe û her leser em bzaveş le sêdare drawe، paşan leser destî mela mstefa barzanî em bzave frawan buwe، euyş hemû temenî xoy kirde qurbanî em bzave، le êstaşda em bzave ke serok barzanî rêberayetî dekat، katî ewe hatuwe dwaxal leser pîtekan dabnêt، ke euyş rageyandnî dewletî kurdstane، serok barzanî pêwîstî be serokayetî nîye، eu le şngal zor raşkawane gutî gewretrîn şanazî bo min eweye ke pêşmergem، boye euey deylêm pştgîrî nîye bo kesêk، yan layenêkî syasî، belku pştgîrîkirdnî berjewendî kurde û debêt hemûman pştgîrî berjewendî kurd bkeyn ke damezrandnî dewletî kurdstane.