دەستگیرکردنی دوو سەربازی ئیسرائیلی بە تاوانی سیخوڕی بۆ كۆماری ئیسلامی ئێران
لە ماوەی چەند ڕۆژی ڕابردوودا دوو كەس لە سوپای ئیسرائیل بە تۆمەتی سیخوڕیکردن بۆ كۆماری ئیسلامی ئێران و وەرگرتنی پارە دەستبەسەر کران.
بەگوێرەی زانیارییەکان، تۆمەتباری سەرەکی دۆسیەکە، کە لە یەکەی بەرگری ئاسمانی هێزی ئاسنین کاری کردووە، لە مانگی ئەیلولی 2024 دەستی کردووە بە ناردنی زانیاری نهێنی لەکاتی خزمەتکردنیدا بۆ ئیتلاعاتی ئێران.
دوای چەند مانگێک ئەم سەربازە ئیسرائیلیە هاوڕێکەی کە لە بنکەی سەربازی سوپای ئیسرائیل لە تەلئەبیب خزمەتی دەکرد، هێنایە ناو ئەم پلانە سیخوڕییە.
پێویستە بگوترێ، كە پۆلیس ئەم دوو کەسەیان بە تۆمەتی ئەمنی و گواستنەوەی زانیاری نهێنی و هاوکاری لەگەڵ دوژمن لە کاتی شەڕدا تۆمەتبار کردووه.
گوڵان: سەردار خەلیل
