نیشیاما ئۆنسێن كیۆكان كۆنترین هۆتێل لە جیهاندا
December 11, 2024
رەنگا و ڕەنگ
ئایا دەزانی هۆتێلی «نیشیاما ئۆنسێن كیۆكان» لە وڵاتی ژاپۆن بە كۆنترین هۆتێل دادەنرێت لە جیهاندا؟ كە لە ساڵی ٧٠٥ی زایینی دامەزراوە و زیاتر لە ١٣٠٠ ساڵە لە لایەن هەمان خێزانی ژاپۆنییەوە بەڕێوە دەبرێت، لەم ماوە باوەڕپێنەكراوەدا ٥٢ نەوەی ئەم خێزانە دەستیان بەسەر بەڕێوەبردن و چاودێریكردنی هۆتێلەكەدا گرتووە. هۆتێلەكە دەكەوێتە پارێزگای یاماناشی و بە كانییە گەرمەكانی (ئۆنسین) بەناوبانگە و، خاوەنی ژمارەی پێوانەیی جیهانی گینسە وەك كۆنترین هۆتێل، كە تا ئێستاش كاردەكات، ئەمەش ڕەنگدانەوەی ئەو نەریتە قووڵە و سەقامگیرییە یەكە ڕەگ و ڕیشەی لە كلتوری ژاپۆنیدا هەیە.
