بالەی ئەكاد پاڵەوانی عێراق بوو
لە شاری سلێمانی بە بەشداری دە یانەی كچانی شارەكانی كوردستان و عێراقی پاڵەوانێتی بالەی یانەكانی عێراقی بەرێوەچوو، دوای ئەنجامدانی چەندین یاری هەردوو یانەی ئەكادی پارێزگای هەولێر و دەربەندیخان گەیشتنە یاری كۆتایی پاڵەوانێتی تۆپی بالەی یانەكانی عێراقی، لە یاری كۆتایشدا لە سەر یاریگای هۆڵی داخراوی زانكۆی سلێمانی هەردوو كچە یاریزانانی یانەكە رووبەڕووی یەكتری بوونەوە، لەگەڵ دەستپێكی یارییەكە كچە یاریزانانی هەردوو تیپ بە هیوای زۆرەوە هاتنە نێو یاریگا لاوانی دەربەندیخان پاڵەوانی خولی عێراقی بووە و كچانی ئەكادیش پاڵەوانی عێراقی بووە، لە یارییەكەش كچە یاریزانانی یانەی ئەكادی عەنكاوە توانیان ئاستێكی بەرز پێشكەش بكەن بە درێژایی یارییە كە و كۆنترۆڵی یاریگایان كرد و توانیان یارییەكە لە بەرژەوەندی خۆیان بە كۆتایی پێ بهێنن بە ئەنجامی (3-0)گێم، كچانی ئەكاد بۆ دووەم ساڵ بە سەر یەك بوونە پاڵەوانی خولی عێراقی و بە نوێنەرایەتی كچانی عێراقیش بەشداری لە پاڵەوانێتی یانەكانی ووڵاتانی ئاسیا دەكەن، لە كۆتایشدا خەڵات و دیاری بەسەر تیپ و یاریزانە سەركەوتووەكان دابەشكرا.هەریەك لە یانەكانی دەربەندیخان و گازی باكوور پلەكانی دووەم و سێیەمیان بەدەست هێنا.
كارزان كانەبی