لە کانێکی خەڵوز ، ٥ کرێکار بەهۆی هەڵمژینی گازی میتان گیانیان لەدەستدا
لە کانێکی خەڵوز لە پارێزگای بەلوچستانی پاکستان، ٥ کرێکاری ئەفغانی بەهۆی هەڵمژینی گازی میتان گیانیان لەدەستدا.
بەگوێرەی میدیاکانی پاکستان، ٥ کرێکاری ئەفغانی کە لە کانێکی خەڵوزدا کاریان دەکرد لە ناحیەی هەرنای پارێزگای بەلوچستانی پاکستان بەهۆی هەڵمژینی گازی ژەهراویی میتان گیانیان لەدەستداوە.
بەم پێیە دوای پچڕانی پەیوەندی لەگەڵ کرێکاران، تیمەکانی فریاگوزاری دەستیان بە ئۆپەراسیۆنی ڕزگارکردن کرد.
تیمەکانی فریاگوزاری تەرمی 5 کرێکاری ئەفغانی کە دوو کەسیان برا بوون، لە کانەکە دەرهێنا؛ هەروەها کرێکارێکیش بە بێهۆشی ڕزگار کرا.
لێکۆڵینەوە لە هۆکاری ئەم ڕووداوە دەستی پێکردووە و تەرمی کرێکارەکان دەبرێنە ئەفغانستان.
گوڵان: سەردار خەلیل
