بەبۆنەی 16ی ئاب پێشانگەیەكی هونەری بەناوی (سەرۆك) كرایەوە

ئه‌مڕۆ شه‌ممه ڕێكەوتی 17/8/2024 لە میدیا گەلەری به‌ چاودێری ئومێد خۆشناو پارێزگاری هه‌ولێر و به‌ ئاماده‌بوونی به‌ڕێوه‌به‌ری گشتیی رۆشنبیری و هونه‌ری پارێزگای هه‌ولێر و ژماره‌یه‌ك لە رۆشنبیران و هونه‌رمه‌ندان و شێوه‌كاران,به‌بۆنه‌ی 16 ئاب ساڵیادی له‌ دایكبوونی جه‌نابی سه‌رۆك بارزانی و 78 ساڵه‌ی دامه‌زراندنی پارتی دیموكراتی كوردستان, پیشانگەیه‌كی تایبه‌تی هێڵكاری بۆ هونەرمەندی شێوه‌كار (به‌شدار قادر) به‌ ناونیشانی (سه‌رۆك) كرایەوە.

پیشانگەكه‌ 16 تابلۆی هێڵكاری جه‌نابی سه‌رۆك بارزانی له‌خۆ گرتووەو تێیدا گوزارشتی له‌ خه‌بات و به‌رخوودانی ژیانی سیاسی جه‌نابی سه‌رۆك بارزانی له‌ قۆناغه‌‌كانی رابردوو و ئێستا له‌ بره‌ودان و به‌رگریكردن له‌ پرسی كورد وكوردستان ده‌كرد.

هه‌روه‌ها تابلۆكان هه‌ڵقوڵاوی پێگه‌ی گه‌وره‌ی جه‌نابی سه‌رۆك بارزانی و پارتی دیموكراتی كوردستان بوو له‌ پاراستنی قه‌واره‌ی هه‌رێمی كوردستان و به‌رگریكردن له‌ مافه‌كانی گەلی كورد.

گوڵان-ئاسۆ كاكەیی