لوبنان: ژمارەی کوژراوانی هێرشەکانی ئیسرائیل گەیشتە 547 کەس
وەزارەتی تەندروستی لوبنان ڕایگەیاند، لە ٨ی تشرینی یەکەمی ٢٠٢٣ەوە تا ئێستا ٥٤٧ کەس لە هێرشەکانی سوپای ئیسرائیل بۆ سەر لوبنان گیانیان لەدەستداوە.
وەزارەتی تەندروستی لوبنان، بە بڵاوکردنەوەی بەیاننامەیەک سەبارەت بە زیانی گیانی و بریندارانی " تێکهەڵچوونە کۆنترۆڵکراوەکان" لەسەر سنوور، ڕایگەیاند، لە ٨ی تشرینی یەکەمی ٢٠٢٣ەوە تا ئێستا ٥٤٧ کەس لە هێرشەکانی سوپای ئیسرائیلدا گیانیان لەدەستداوە و ١٧٦٥ کەسیش برینداربوون.
ئەم ئامارە ڕاگەیەندراوە ئەندامانی حیزبوڵڵاش دەگرێتەوە.
بزووتنەوەی حیزبوڵڵا ڕایگەیاند: کە تا ئێستا ٤٠٩ لە ئەندامانی لە ململانێ لەگەڵ ئیسرائیل کوژراون.
گوڵان: سەردار خەلیل
