لە هێرشی سوپای ئیسرائیل بۆ سەر دوو قوتابخانە کە پەنابەرانی غەززە تێدا نیشتەجێبوون، ١٥ فەلەستینی کوژران کە بەشێکیان منداڵ بوون.

ڕێکخراوی بەرگری شارستانی غەززە بە بڵاوکردنەوەی ڕاپۆرتێک ڕایگەیاند: کە لە ئەنجامی بۆردومانی دوو قوتابخانە کە پەنابەرانی غەززە لە لایەن چەکدارانی سوپای ئیسرائیلەوە داڵدەدرابوون، ١٥ فەلەستینی کە ژمارەیەکیان منداڵ بوون، کوژراون.

بەپێی ئەم ڕاپۆرتە، فڕۆکە جەنگییەکانی ئیسرائیل قوتابخانەکانی ئەلزەهرا و عەبدولفەتاح حەمودیان لە گەڕەکی تەفەح لە ڕۆژهەڵاتی غەززە بۆردومان کردووە.

لە ئەنجامی ئەم بۆردومانەدا، ١٥ فەلەستینی کە لە نێویاندا منداڵ بوون کوژران و ژمارەیەکی زۆریش بریندار بوون.

لە لایەکی دیکەوە سوپای ئیسرائیل لە بەیاننامەیەکدا دانی بەوەدانا کە هێرشی کردووەتە سەر قوتابخانەکانی ئەلزەهرا و عەبدولفەتاح حەمود.

سوپای ئیسرائیل ئیدیعای کردووە کە ئەو قوتابخانە ئاماژەپێکراوانە حەماس وەک "پەناگە" بەکاری هێناوە.

 

 

 

گوڵان: سەردار خەلیل