نێچیرڤان بارزانی " ڕزگارکەرێ ڕەڤاندیێن ئێزدی"
![نێچیرڤان بارزانی](https://gulanmedia.com/public/images/posts/20240803220859_original_38.jpg )
د هێرشێن داعش دا لسەر ئێزدیان ل شنگالێ ئێک ژ زیانێن هەری مەزن و کوژەک یێن ببەر ئێزدیان کەفتین ڕەڤاندنا پتری ژ 6 هزار وەلاتییێن ئێزدی بۆ ژ زارۆک، ژن، و زەلام و دانعەمران و هەتا نوکە ژی و د گەل بۆرینا 10 سالان ب سەر ئەڤێ جینۆسایدا مەزن دا هێشتا ئەو برینە یە یا نەهاتی و ناهێتە دەرمانکرن.
مرۆڤ بۆ خودێ و بۆ وژدان و دویر ژ بابەتێن سیاسی و لایەنگری و حزبایەتیێ بێژیت: نێچیرڤان بارزانی کو وی دەمی سەرۆکێ حکومەتا هەرێما کوردستانێ بۆ و حکومەتا وی د شەرەکێ مەزن یێ دژی داعش و قەیرانێن مەزن یێن دارایی و ئابۆری دا بۆ لێ ئەڤ دۆسەیا گرنگ و مەزن و هەستیار ب ستویێ خۆڤە گرت و بڕیار دا ب ڤەکرنا نڤیسینگەهەکا تایبەت بۆ ڕزگارکرنا ڕەڤاندییێن ئێزدی.
هەر چەندە جەنابێ وی چ جاران قەبویل نەکریە بەحسا وی پارەی بهێتە کرن یێ بۆ ڕزگارکرنا ڕەڤاندییان دهێتە خەرجکرن ژبەرکو ئەو دبێژیت” ڕزگارکرنا ڕەڤاندیەکێ بەراورد ناهێتە کرن دگەل ژمارا کوژمێ پارەی” و هەر چەند بیت گرنگ ڕزگارکرنە لێ هەتا نوکە ب ملیارێن دیناران بۆ ڤێ دۆسەیێ هاتیە خەرجکرن ئەڤە ژ بلی وێ زەحمەتا ستاف و کارمەند و تیمێن جودا جودا یێن بۆ ڤی بابەتی کاردکەن دبینن و هێشتا د بەردەوامن .
حەتا نووکە پتری ژ 3,500 ڕەڤاندی هاتینە رزگارکرن و جهــ و دەڤەر و وەلاتێن جودا جودا و ئەڤە ژی بو ئەگەرێ کێمکرنا ژانا ئەڤێ برینێ لسەر لەشێ کەسوکارێن وان خۆ ئەگەر پیچەکێ ژی بیت و ئەڤ کارێ بەڕێز نێچیرڤان بارزانی وەک چەندین کارێن وی یێن دی دڤێت ل مێژوویا مرۆڤایەتیێ دا ب پیتێن زێڕین بهێتە نڤێسین و لدەف ئێزدیان ژی چ جاران ناهێتە ژبیرکرن.
ئەڤە ژبلی هندێ کو جەنابێ وی ل هەموو گۆتارێن خۆ یێن دناڤ ئێزدیان و تایبەت ب ئێزدیان دا رێزەکا مەزن دایە ئاینێ وان و تایبەتمەندیێن وان و بەردەوام بەحسا گرنگیا هەبوون و پاراستنا ئێزدیان ل کوردستانێ و ئیراقێ دکەت .