بەڵگەفیلمی ناستی لە 77مین خولی فێستیڤاڵی نێودەوڵەتی فیلمی كان نمایش كرا
![بەڵگەفیلمی ناستی لە 77مین خولی فێستیڤاڵی نێودەوڵەتی فیلمی كان نمایش كرا](https://gulanmedia.com/public/images/posts/20240625102750_original_46.jpg )
بەڵگەفیلمی ناستی (Nasty) لە دەرهێنانی هاوبەشی(تۆدۆر گیۆرگیو) Tudor Giurgiu، Tudor D. (تۆدۆر د. پۆپێسكۆ) Popescu و (كریستیان پاسكاریۆ) Cristian Pascariu، سەبارەت بە (ئیلییە ناستاسی) Ilie Nastase و بە ئامادەبوونی ئەم یاریزانە ئەفسانەییەی تێنیسی ڕۆمانیا، (مەنسوور بەهرامی) Mansour Bahrami یاریزانی ناوداری تێنیسی ئێران و جیهان و دانیشتووی وڵاتی فەڕەنسا، (بۆریس بێكێر) Boris Becker یاریزانی بەرچاوی تێنیسی دنیا، (تیێری فرێمۆ) Thierry Frémaux بەڕێوەبەری هونەریی فێستیڤاڵی نێودەوڵەتی فیلمی كان و هەروەها ستافی ئەم فیلمە وەرزشییە لە بەشی نمایشی تایبەت لە (٧٧)ـەمین خولی فێستیڤاڵی كان (Cannes) نمایش كرا.
![بەڵگەفیلمی ناستی لە 77مین خولی فێستیڤاڵی نێودەوڵەتی فیلمی كان نمایش كرا](https://gulanmedia.com/public/images/posts/20240625102857_big_770x552_24.jpg )
ئیلییە ناستاسی كە یەكێك لە ئەفسانە گەورەكانی تێنیسی جیهانە، مەنسوور بەهرامی یاریزانی ناوداری تێنیسی جیهان لە وتوێژێكی تایبەتدا دەڵێ: «ئیلییە ناستاسی Ilie Nastase یەكێكە لە ئەفسانە گەورەكانی تێنیسی جیهان كە ئەو شانازییەم هەیو زیاتر لە 50 ساڵە بەڕێزیان دەناسم، یەكەمین جار لە ساڵی 1968 هات بۆ تاران و لەگەڵ یانەی ئێران یاریی كرد، من لەو كاتەدا تۆپم بۆ كۆ دەكردەوە و لە ڕاستیدا شێوازی یاریی ئەو لەسەر ستایلی منیش كاریگەریی دانا، هەر بەم هۆیەوەیە كە زۆر چێژ لە یاریی ئەو وەرگرم و لە وەرزشی تێنیس، بووە یەكێك لە نموونەكانی من,نزیكەی 20 ساڵ لەگەڵ ئیلییە ناستاسی یاریی تێنیسمان دەكرد».
![بەڵگەفیلمی ناستی لە 77مین خولی فێستیڤاڵی نێودەوڵەتی فیلمی كان نمایش كرا](https://gulanmedia.com/public/images/posts/20240625102808_big_770x552_44.jpg )
ئەم یاریزانە تێنیسە پیشەگەڕە لە درێژەی قسەكانیدا گوتی: «نزیكەی 20 ساڵ لەگەڵ ئیلییە ناستاسی یاریی تێنیسمان دەكرد و لە ساڵدا، نزیكەی 15 تا 20 جار پێكەوە یاریمان دەكرد و شایەد 300، 400 جار لەگەڵ یەكتری یاریمان كردووە و مرۆڤێكی زۆر بە هەستە و لە ڕاستیدا گرینگی بە هەمووان دەدات و دڵێكی زۆر گەورەی هەیە و ئێستاش كە ئەوم لە حەفتا و حەوتەمین خولی فێستیڤاڵی نێودەوڵەتی فیلمی (كان) بینی، تەمەنی چووەتە سەرێی، بەڵام دیسان هەر ئەو ڕێز و خۆشەویستییەی جارانی بۆ من هەبوو و من زۆر بەختەوەرم كە یەكێكە لە هەڤاڵەكانم».