لە شاری سلێمانی فیلمی كوردی (هیواو ژیانەوە) نمایش دەكرێت
![لە شاری سلێمانی فیلمی كوردی (هیواو ژیانەوە) نمایش دەكرێت](https://gulanmedia.com/public/images/posts/20240622110318_original_1.jpg )
بڕیارە كاتژمێر 5ی ئێوارە ڕۆژی چوارشەممە ڕێكەوتی 26/6/2024 لە هۆڵی سینەما سالم لە شاری سلێمانی,فیلمی كوردی(هیواو ژیانەوە) نمایش بكرێت كە بینینی فیلمەكە بە خۆڕاییە و هاتن بۆ هەمووانە.
![لە شاری سلێمانی فیلمی كوردی (هیواو ژیانەوە) نمایش دەكرێت](https://gulanmedia.com/public/images/posts/20240622110338_big_770x552_4.jpg )
فيلمى هیواو ژیانەوە لە ژێر ناونیشانی “خەمی هیوا خەمی هەموومانە” لە شاری سلێمانی بەرهەم هاتووە,ئەم فیلمە كە 22هەمین بەرهەمی گروپی هونەری خێزانە,لە سیناریۆ دەرهێنانی (ڕێبوار محەمەد) و کامێراو مونتاژی لەلایەن (باوەڕ ڕەفیق) ئەنجامدراوە,ماوەی فیلمەکە 60 خولەكەو لە ناو شاری سلێمانی کاری وێنەگرتنی بۆ کراوە و نزیکەی 30 ئەکتەر لە تێیدا بەشدارن.
![لە شاری سلێمانی فیلمی كوردی (هیواو ژیانەوە) نمایش دەكرێت](https://gulanmedia.com/public/images/posts/20240622110414_big_770x552_22.jpg )
لەم بارەیەوە هونەرمەند(ڕێبوار محەمەد) دەرهێنەری فیلمەكە ڕایگەیاند: ناوەڕۆکی ئەم فیلمە باس لە چەند چیرۆك و بەسەرهاتی توشبووان بە نەخۆشی شێرپەنجە دەکات کە هەزاران چیرۆك لە پشت ئەو نەخۆشییەوە هەیە,هەروەها فیلمەكە باس لە دڵسۆزی و بە هاناوەچوونی پزیشكان و کارمەندان بۆ توشبووانی نەخۆشخانەکە دەكات, لە نێو فیلمی (هیواو ژیانەوە) چەند پەیامێکی گرنگ و هوشیاری و ڕێنمایی گرنگ هەیه بۆ ئەنجامدانی پشکنینی پێش وەختە لە هەندێك حاڵەتدا,سوپاس بۆ ئیدارەی نەخۆشخانەی هیوا و سەنتەری ژیانەوە کە هاوکارمان بوون بە ئەنجامدانی ئەو بەرهەمە,ئامانجمان گەیاندنی هۆشیاری خە ڵکی و گەیاندنی پەیامی جوانە لە ڕێگەی فیلمەکانمان بۆ کۆمەڵگەی کوردی,خودای گە ورە شیفای هەموو نەخۆشەکانمان بدات انشاالله.
گوڵان-ئاسۆ كاكەیی
![لە شاری سلێمانی فیلمی كوردی (هیواو ژیانەوە) نمایش دەكرێت](https://gulanmedia.com/public/images/posts/20240622110432_big_770x552_45.jpg )
![لە شاری سلێمانی فیلمی كوردی (هیواو ژیانەوە) نمایش دەكرێت](https://gulanmedia.com/public/images/posts/20240622110447_big_770x552_27.jpg )
![لە شاری سلێمانی فیلمی كوردی (هیواو ژیانەوە) نمایش دەكرێت](https://gulanmedia.com/public/images/posts/20240622110501_big_770x552_23.jpg )