لە هەولێر كۆڕێكی شیعری بەڕێوەچوو
بەبۆنەی ڕۆژی جیهانیی شیعر,سەنتەری خەون بە هەماهەنگی لەگەڵ سەنتەری ئاڵا,بە بەشداری هونەرمەند (زەکەریا موحسن) رێوڕەسمی خەڵات و ڕێزلێنانی بۆ ژمارەیەك شاعیر و نووسەر ڕێكخست .
بەچاودێری (ئومێد خۆشناو) پارێزگاری هەولێر و بە ئامادەبوونی ژمارەیەكی بەرچاو لە نووسەر و ئەدیبان لە سەنتەری ئاڵا لە شاری هەولێر كۆڕێكی شیعری بۆ چەند شاعیرێك بەڕێوەچوو,هاوكات خەڵاتی ڕێزلێنان بەخشرایە ژمارەیەك نووسەر و كەسایەتی دیار.
لە ئەم بۆنەیەدا كۆڕێكی شیعری بەڕێوەچوو كە هەرلەیەك شاعیران دڵزار حەسەن,گۆران ڕەسوڵ, داستان بارزان, بژار حەکیم,سۆران ساڵح, هاودەنگ بێبەش لە كۆڕەكەدا بەشداربوون .
هەروەها خەڵاتی ڕێزڵێنان بەخشرایە ژمارەیەك لە شاعیر و نووسەر و تێکۆشەر،كە ئەوانیش بریتیبوون لە ئازا حەسیب قەرەداخی,کەریم دەشتی, قاسم شێروانی, ئیسماعیل تەنیا,غازی حەسەن,هۆشەنگ باوانی,جەمال گردەسۆری,فەرەیدون سامان.
گوڵان-ئاسۆ كاكەیی
