بینای کارگەیەکی بۆیاخ لە نیودەلهی پایتەختی هیندستان بەهۆی ئاگرکەوتنەوەیەکی گەورەوە ڕووخا.
ئاگركەوتنەوە لە کارگەی بۆیاخ لە هیندستان
بە وتەی بەرپرسانی ئاگرکوژێنەوە لە نیودەلهی، لەم ڕووداوەدا لانیکەم ١١ کەس گیانیان لەدەستداوە.
بە وتەی بەرپرسانی هیندستان، بەو پێیەی زۆر ئەستەمە کۆنتڕۆڵکردنی ئاگرێک کە بەهۆی سووتانی بۆیاخەوە دروست بووە، دوای ئەوەی بیناکە بەهۆی زنجیرەیەک تەقینەوە داڕما، کرێکارانی کارگەکە گیریان خواردووە.
پێویستە بگوترێ کە گەڕان بۆ دۆزینەوەی خەڵکی زیاتر لە بیناکەدا بەردەوامە.
گوڵان: سەردار خەلیل
