ڕووداوی ئاگر كەوتنەوە لە فڕۆکەیەکی نەفەرهەڵگر لە ژاپۆن
![ڕووداوی ئاگر كەوتنەوە لە فڕۆکەیەکی نەفەرهەڵگر لە ژاپۆن](https://gulanmedia.com/public/images/posts/20240102210608_original_25.jpg )
ئەمڕۆ (سێشەممە) فڕۆکەیەکی هێڵی ئاسمانی ژاپۆن لەسەر ڕێڕەوی فڕینی فڕۆکەخانەی نێودەوڵەتی هاندا لە تۆکیۆ گڕی گرت.
تەلەفزیۆنی ژاپۆنی وێنەی فڕۆکەکەی پیشان دەدا کە لەسەر ڕێڕەوی فڕین ، بڵێسەی ئاگر لە بەشی خوارەوەی بڵاودەبووەوە.
وتەبێژی هێڵی ئاسمانی ژاپۆن گوتی: ئەو فڕۆکەیەی لە فڕۆکەخانەی نێودەوڵەتی هاندا گڕی گرتبوو، زیاتر لە 300 سەرنشینی تێدابوو.
میدیاکانی ژاپۆن ڕایانگەیاند: "ئەم فڕۆکە نەفەرهەڵگرە لەگەڵ فڕۆکەیەکی پاسەوانی کەناراوەکاندا توشی پێکدادان بوون و ئەم پێکدادانەش بووە هۆی ئەوەی فڕۆکەکە ئاگر بگرێت".
"ڕاپۆرتەکان ئاماژە بەوە دەکەن کە سەرجەم سەرنشینەکان لە فڕۆکە سووتاوەکە ڕزگاركراون، هاوکات 5 سەرنشینی فڕۆکەکەی پاسەوانی کەناراوەکانی ژاپۆن دوای پێکدادانەکە بێسەروشوێنن".
گوڵان: سەردار خەلیل