سەرۆک بارزانی بە مەبەستی گەیاندنی پرسە و هاوخەمی بۆ کۆچی دوایی ئەمیری کوێت سەردانی کونسوڵخانەی کوێت لە شاری هەولێر دەکات
پێشنیوەڕۆی ڕۆژی دووشەممە 18ی کانوونی یەکەمی 2023 سەرۆک مەسعود بارزانی سەردانی کونسوڵخانەی کوێتی لە شاری هەولێر کرد و پرسە و هاوخەمی خۆی بۆ کۆچی دوایی خوالێخۆشبوو ( شێخ نەواف ئەلئەحمەد ئەلجابر ئەلسەباح) ئەمیری کۆچکردووی دەوڵەتی کوێت بە گەل و سەرکردایەتیی دەوڵەتی کوێت و بەڕێز عوسمان داود ئەلداود کونسوڵی گشتیی کوێت لە شاری هەولێر گەیاند.
