لە هێرشەکانی ئیسرائیل بۆ سەر غەززە ٦٦ ڕۆژنامەنووس كوژراون
سەندیکای ڕۆژنامەنووسانی فەلەستین ڕایگەیاند: کە تا ئێستا ٦٦ ڕۆژنامەنووس لە هێرشەکانی ئیسرائیل بۆسەر کەرتی غەززە گیانیان لەدەست داوە.
سەندیکای ڕۆژنامەنووسانی فەلەستین بە بڵاوکردنەوەی بەیاننامەیەک لە تۆڕە کۆمەڵایەتییەکاندا ڕایگەیاند: کە لە ٧ی ئۆکتۆبەرەوە تا ئێستا ٦٦ ڕۆژنامەنووس کە ٦یان ژن بوون لە هێرشەکانی ئیسرائیل بۆ سەر کەرتی غەززە گیانیان لەدەستداوە.
بەپێی ئەم بەیاننامەیه ، لەکاتی پێکدادان له ناوچەکەدا 2 ڕۆژنامەنووس بێسەڕوشوێن بوون و 31 ڕۆژنامەنووس له زیندانەکانی ئیسرائیل دەستبەسەركراون.
سەندیکای ڕۆژنامەنووسانی فەلەستین داوای لە ڕێکخراوە نێودەوڵەتییەکانی مافی مرۆڤ کرد کە لە نزیکەوە چاودێری پێشێلکارییەکانی ئیسرائیل بکەن بەرامبەر بە ڕۆژنامەنووسان.
گوڵان: سەردار خەلیل
