لە ئەنجامی ڕوودانی بوومەلەرزەک بە گوڕی ٦.١ پلە، لە فلیپین کەسێک گیانی لەدەست دا و هەژدە کەسیش بریندار بوون. 

ڕووپێوی جیۆلۆجی ویلایەتە یەکگرتووەکانی ئەمریکا ڕایگەیاند: بوومەلەرزەیەک بە گوڕی ٦.٧ پلە بە پێوەری ڕێختەر دورگەی بۆریاسی هەژاند کە دەکەوێتە ناوەڕاستی وڵاتی فلیپین.

ئەم بوومەلەرزەیە لە قووڵایی ٧٨ کیلۆمەتر و ٢٦ کیلۆمەتر لە باشووری ڕۆژئاوای دوورگەی بۆریاس ڕوویداوە. 

لە ئەنجامی ئەم بوومەلەرزەیەدا بەشێک لە باڵەخانەکانی ناوچەکە زیانیان بەرکەوتووە و بۆ ماوەیەک کارەباش بڕاوە. 

پەیمانگای گڕکان و بومەلەرزەزانی فلیپین ڕایگەیاند کە مەترسی ڕوودانی تسونامی لە ئارادا نییە. 

پێویستە ئاماژە بەوە بکرێت کە فلیپین دەکەوێتە سەر ئەو شوێنەی کە پێی دەوترێت "ئەڵقەی ئاگر". زۆرێک لە بوومەلەرزە و تەقینەوەی گڕکانەکان لەوێ ڕوودەدەن بەهۆی جوڵەی پلێتەکانی زەوی.

 

 

 

گوڵان: سەردار خەلیل